გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ივნისი 2020    »
1234567
891011121314
15161718192021
22232425262728
2930 

ამბროლაურის მერიამ ახალშობილთა და მრავალშვილიანი ოჯახების ფინანსური დახმარების პროგრამა შეიმუშავა

12-03-2018

ამბროლაურის მუნიციპალიტეტის მერიამ ახალშობილთა და მრავალშვილიანი ოჯახების ფინანსური დახმარების პროგრამა შეიმუშავა.

როგორც „ინტერპრესნიუსს“ ამბროლაურის მუნიციპალიტეტიდან აცნობეს, დემოგრაფიული მდგომარეობის გაუმჯობესებისა და შობადობის გაზრდის ხელშეწყობის მიზნით, ამბროლაურის მუნიციპალიტეტის მერიამ სოციალური პროგრამა შეიმუშავა, რომლის ფარგლებში ახალშობილთა და მრავალშვილიან ოჯახებს შეუძლიათ ისარგებლონ შემდეგი სახის ერთჯერადი დახმარებით: პირველ და მეორე ახალშობილზე - 400 ლარი; მესამე და მომდევნო ახალშობილზე - 450 ლარი; ტყუპი ახალშობილების შეძენის შემთხვევაში - 900 ლარი; ამბროლაურის მუნიციპალიტეტში რეგისტრირებულ მრავალშვილიან (სამი და მეტი 18 წლამდე ასაკის ბავშვი) ოჯახებზე ერთჯერადი ფინანსური დახმარებით - 400 ლარი.

ამასთან, რაჭა-ლეჩხუმისა და ქვემო სვანეთის რეგიონის ოთხივე მუნიციპალიტეტში მცხოვრები ოჯახები, „მაღალმთიანი რეგიონების განვითარების შესახებ კანონის“ შესაბამისად, პირველ და მეორე ბავშვზე სახელმწიფოსგან ერთი წლის განმავლობაში, ყოველთვიური დანამატის სახით 100 ლარს იღებენ, მესამე და ყოველ შემდგომ ბავშვზე - ორი წლის განმავლობაში კი 200 ლარის დახმარებას.

"ინტერპრესნიუსი"