გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ნოემბერი 2020    »
 1
2345678
9101112131415
16171819202122
23242526272829
30 

წერეთელზე მდებარე მიკროსაფინანსო ორგანიზაციაში აყვანილი ყველა მძევალი თავისუფალია, დამნაშავე კი დაკავებული

20-11-2020

"ყველა მძევალი უვნებლად არის გათავისუფლებული, დამნაშავე დაკავებულია" - აღნიშნულის შესახებ შინაგან საქმეთა სამინისტროს საპატრულო პოლიციის დეპარტამენტის დირექტორმა, ვაჟა სირაძემ წერეთლის გამზირზე მედიასაშუალებებს განუცხადა.

როგორც ვაჟა სირაძემ აღნიშნა, რამდენიმე საათიანი მოლაპარაკებების შედეგად საპოლიციო ღონისძიება წარმატებით დასრულდა და მიკროსაფინანსო ორგანიზაციის ერთ-ერთ ფილიალზე თავდამსხმელი პირი პოლიციამ დააკავა.

"ღონისძება წარმატებით დასრულდა. რამდენიმესაათიანი მოლაპარაკებების და ასევე, სპეციალური ოპერატიულ-საგამოძიებო მოქმედებების შედეგად, ყველა მძევალი უვნებლად არის გათავისუფლებული და ასევე, შეიარაღებული თავდამსხმელი დაკავებულია.

ამ ეტაპზე მიმდინარეობს საგამოძიებო მოქმედებები. რაც შეეხება მოთხოვნებს, ეს ყველასთვის კარგად ცნობილია, გააჟღერა კიდეც მედიასაშუალებით და შესაბამისად, დამატებით დეტალებზე მოგახსენებთ მოგვიანებით", - განაცხადა ვაჟა სირაძემ.