გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ბესიკ ამირანაშვილმა 2020 წელს გაწეული მუშაობის შესახებ ანგარიში წარადგინა

29-12-2020

სამცხე-ჯავახეთის სახელმწიფო რწმუნებულმა ბესიკ ამირანაშვილმა სამხარეო ადმინისტრაციაში, საკონსულტაციო საბჭოს სხდომა გამართა, სადაც 2020 წელს გაწეული მუშაობისა და 2021 წლისთვის განსახორციელებელი პროექტების შესახებ ანგარიში წარუდგინა.

სხდომას ესწრებოდნენ სამცხე-ჯავახეთის რეგიონის მაჟორიტარი დეპუტატები, მუნიციპალიტეტების მერები, მოადგილეები და საკრებულოს თავჯდომარეები.

სახელმწიფო რწმუნებულმა შეაჯამა რეგიონში 2020 წელს განხორციელებული მნიშვნელოვანი ინფრასტრუქტურულ პროექტები.

მასშტაბური პროექტები:

• დაგეგმილია აბასთუმნის რეაბილიტაციის მეორე ეტაპი რაც მოიცავს ისტორიული სახლების რეაბილიტაციას, დაბის საგზაო ინფრასტრუქტურის მოწყობას მდინარის ნაპირსამაგრ სამუშაოებს, პარკი „როშას“ რეაბილიტაციას, სხვადასხვა ინფრასტრუქტურული ნაგებობების მშენებლობას.

• დაწყებულია , მიმდინარეობს და იგეგმება დაბა ბაკურიანში მასშტაბური ინფრასტრუქტურული პროექტები, რაც ბმაშია 2023 და 2025 წლების საერთაშორისო სპორტულ ღონისძიებებთან.

• ასპინძის მუნიციპალიტეტში განხორციელდება დ.ასპინძის ოთის, ოშორის, იდუმალის სასმელი წყლის სისტემების რეაბილიტაცია, მოხდება წყალშემკრები აუზების რეაბილიტაცია, საფილტრი ნაგებობების მშენებლობა, ავტომატიზირებული საქლორატოროების მშენებლობა, დაზიანებული ქსელის შეცვლა, წყლის დებეტის გაზრდა-ტენდერი შედგა, ხელშეკრულების გაფორმების პროცესია

• დაიწყება წაღვერის წყალმომარაგების სისტემის რეაბილიტაცია- მიმდინარეობს პროექტირება;

• მიმდინარეობს ვალეში წყალსადენის სისტემის სრული რეაბილიტაცია; 4988585ლ.
• მიმდინარეობს ქ.ახალციხის და მიმდებარე სოფლების წყალმომარაგების სისტემის რეაბილიტაციის პროექტირება. პროექტის განხორციელების შემდეგ ქალაქს 24 საათიანი წყალმომარაგება ექნება
• გაგრძელდება ბაღდათი-აბასთუმნის 77 კმ. გზის რეაბილიტაცია, ზეკარის უღელტეხილზე 3 კმ. სიგრძის გვირაბით. დასრულდება 2024 წელს.
• გაგრძელდება ხულო-ზარზმის გზის 47 კილომეტრიანი მონაკვეთის რეაბილიტაციის სამი ეტაპი, დასრულდება 2022 წელს. აბსთუმნის 51 მილიონიანი ტენდერი გამოცხადდება მდინარის კალაპოტის გასწვრივ სრულად ინფრასტრუქტურის მოწესრიგებაზე

• 2021 წელს დასრულდება ახალქალაქთან მისასვლელი გზის 9კმ. მონაკვეთის რეაბილიტაცია .
• დასრულდა ახალქალაქი-ნინოწმინდა-სომხეთის საზღვრის მიმართულებით 23 კმ. საგზაო მაგისტრალის მშენებლობა აგრეთვე ახალქალაქის შემოვლითი გზის 2.3 კმ. გზის რეაბილიტაცია

• დაიწყება ქალაქ ახალციხეში ყოფილი „მესაზღვრეთა ქალაქის“ რეკონსტრუქცია - განვითარება. ამ დროისთვის, დაწყებულია საბავშვო ბაღის მშენებლობა 150 ბავშვზე.

• დიწყება ქალაქ ახალციხეში ტბის მიმდებარე ინფრასტრუქტურის განვითარება- ველობილიკები, სამი სტადიონი, ბავშვთა ატრაქციონები, შადრევანის აღდგენა, დასასვენებელი ზონის მოწყობა.

• დაიწყება ახალციხეში საცურაო აუზისა და სპორტკომპლექსის მშენებლობა.

• დასრულდა 2 სკოლის მშენებლობა ჩუნჩხასა და პტენაში , 2021 წელს დასრულდება 5 სკოლის ( ჭაჭარაქი, ორლოვკა, ბენარა, ღორთუბანი, ორგორა) მშენებლობა და 10 სკოლის კაპიტალური რეაბილიტაცია და სხვა.

• აღსანიშნავია აგრეთვე ბორჯომის მუნიციპალიტეტში სოფ. ჭიხარულასა და ბალანთის გზების რეაბილიტაცია. გზის მოწყობა გაგრძელდება 2021 წელს სოფ. ტაბაწყურამდე.

• მიმდინარეობს და გარძელდება ვაჩიანი-ოკამი- გოგაშენის გზის რეაბილიტაცია, მოასფალტებულია 9 კმ. დარჩენილია 11 კმ.

სხდომაზე ასევე განიხილეს ა(ა)იპ სამცხე-ჯავახეთის დანიშნულების ადგილის მართვის ორგანიზაციის 2020 წლის გაწეული სამუშაო ანგარიში. აიპის ხელმძღვანელმა შეხვედრაზე , საანგარიშო პერიოდში სამცხე-ჯავახეთის დანიშნულების ადგილის მართვის ორგანიზაციის მიერ გაწეული საქმიანობა და მიმართულებები გააცნო. მოხდა 2020 წლის ანგარიშისა და 2021 წლის სამოქმედო გეგმის პროექტის წარდგენა.