სამართლიანად ჩატარდა თუ არა არჩევნები
ირაკლი ღარიბაშვილი: გილოცავთ! ეს ჩვენი ქვეყნისთვის ისტორიული გამარჯვების დღეა!
21-01-2021
საქართველოს თავდაცვის მინისტრი, ირაკლი ღარიბაშვილი სტრასბურგის სასამართლოს დღევანდელ გადაწყვეტილებას აფასებს:
"გილოცავთ! დღეს ჩვენი ქვეყნისთვის მართლაც ისტორიული გამარჯვების დღეა.
ჩვენ თანმიმდევრულად, სამართლებრივი გზით საერთაშორისო სასამართლოში მოვუგეთ დავა რუსეთს და კიდევ ერთხელ დამტკიცდა რუსეთის აგრესიული სახე, რომელიც ფუნდამენტურად არღვევს ადამიანის უფლებებს და ახორციელებს ეთნოწმენდას ოკუპირებულ ტერიტორიებზე.
ეს დღე მნიშვნელოვანი დღეა თითოეული მოქალაქისთვის და განსაკუთრებით ჩვენი სამხედროებისთვის, რომლებმაც თავი გაწირეს ამ ომში და ქვეყნის ტერიტორიული მთლიანობისთვის.
დარწმუნებული ვარ, ამ პრეცედენტითა და თანმიმდევრული პოლიტიკით, ჩვენ აუცილებლად გავიმარჯვებთ საბოლოოდ და მშვიდობით აღვადგენთ ჩვენი ქვეყნის მთლიანობას" - აცხადებს მინისტრი.
