გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    აპრილი 2021    »
 1234
567891011
12131415161718
19202122232425
2627282930 

გიორგი სახოკია: არ დავიშურებ ძალისხმევას, რათა გურიის რეგიონის მნიშვნელოვანი გამოწვევები მაქსიმალურად ეფექტურად და სწრაფად გადავჭრათ

9-02-2021

მზად ვარ, რომ არ დავიშურო ძალისხმევა, რათა, გურიის მოსახლეობის და რეგიონის მნიშვნელოვანი გამოწვევები მაქსიმალურად ეფექტურად და ოპერატიულად გადავჭრათ, - ამის შესახებ გურიის ახალმა გუბერნატორმა, გიორგი სახოკიამ განაცხადა.

მისი თქმით, ის კარგად იცნობს გურიის რეგიონს, იქ არსებულ პრობლემებს, გამოწვევებს და იმ პროექტებს, რომელიც მიმდინარეობს.

„დიდი მადლობა მინდა გადავუხადო პრემიერ-მინისტრს გამოცხადებული ნდობისთვის. ჩემთვის დიდი პასუხისმგებლობა და ასევე დიდი პატივია ამ თანამდებობაზე ჩემი კანდიდატურის წარდგენა. საკმაოდ კარგად ვიცნობ გურიის რეგიონს, იქ არსებულ პრობლემებს, გამოწვევებს და იმ პროექტებს, რომელიც მიმდინარეობს ან მიმდინარეობდა უახლოეს წარსულში. განსაკუთრებული ყურადღება მინდა გავამახვილო მიმდინარე პანდემიით გამოწვეულ პრობლემებზე და იმ კრიზისზე, რომელიც პანდემიამ შექმნა, გაათმაგებული მუშაობა გვჭირდება იმისათვის, რომ დავუბრუნდეთ ნორმალური ცხოვრების რიტმს და პანდემიამდე არსებულ მდგომარეობას. მზად ვარ, რომ არ დავიშურო ძალისხმევა, რათა, გურიის მოსახლეობის და რეგიონის მნიშვნელოვანი გამოწვევები მაქსიმალურად ეფექტურად და ოპერატიულად გადავჭრათ. მზად ვარ კომუნიკაციისთვის როგორც თითოეული მოქალაქის, ასევე მედიის მიმართ და მზად ვარ ერთობლივი ნაყოფიერი მუშაობისთვის", - განაცხადა გიორგი სახოკიამ.