სამართლიანად ჩატარდა თუ არა არჩევნები
არჩილ თალაკვაძე საქართველოში ევროპის საბჭოს ოფისის ხელმძღვანელს ნატალია ვუტოვას შეხვდა
24-03-2021
პარლამენტის თავმჯდომარე არჩილ თალაკვაძე საქართველოში ევროპის საბჭოს ოფისის ხელმძღვანელს ნატალია ვუტოვას შეხვდა.
პარლამენტის თავმჯდომარემ განაცხადა, რომ საქართველოსთვის მნიშვნელოვანია ევროპის საბჭოსთან მჭიდრო და ნაყოფიერი თანამშრომლობა. არჩილ თალაკვაძემ ევროპის საბჭოსადმი გამოხატა მადლიერება საქართველოში დემოკრატიული რეფორმების განხორციელების ხელშეწყობისათვის და მიესალმა მინისტრთა კომიტეტის თავმჯდომარეობის ფარგლებში გენერალური მდივნის მხრიდან საქართველოსთვის გაწეულ მნიშვნელოვან მხარდაჭერას.
პარლამენტის პრესსამსახურის ინფორმაციით, არჩილ თალაკვაძემ ყურადღება გაამახვილა ვენეციის კომისიასთან კონსტრუქციულ დიალოგზე საქართველოს კანონმდებლობის ევროპულ სტანდარტებთან დაახლოების მიმართულებით და გამოხატა პარლამენტის მხრიდან კომისიასთან მომავალი თანამშრომლობის მზაობა.
საუბარი, ასევე, შეეხო ოკუპირებულ ტერიტორიებზე არსებულ მძიმე ვითარებასა და კონფლიქტის მშვიდობიანი მოგვარების მნიშვნელობას. მხარეებმა გამოთქვეს იმედი, რომ ერთობლივი ძალისხმევა ხელს შეუწყობს გრძელვადიან მშვიდობასა და სტაბილურობას საქართველოსა და რეგიონში.
