გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ოქტომბერი 2021    »
 123
45678910
11121314151617
18192021222324
25262728293031

კობა კობალაძე, ჩოხატაურში, ადგილობრივ ვეტერანებს შეხვდა

15-04-2021

ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, რეგიონებში გეგმიურ ვიზიტის ფარგლებში, ჩოხატაურის მუნიციპალიტეტის მერის მოადგილეს, მინდია ჟღერიას, საკრებულოს თავმჯდომარეს, ზაალ ლებანიძეს და ადგილობრივ ვეტერანებს შეხვდა.

შეხვედრაზე, სამსახურის დირექტორმა, ვეტერანებს გააცნო მიმდინარე სოციალური და ჯანდაცვის პროგრამები, ასევე, სოფლის მეურნეობისა და მეცხოველეობის ის სახელმწიფო პროექტები, რომლებშიც ვეტერანებს შეუძლიათ ჩართვა. კობა კობალაძემ, ვეტერანებს, მოუწოდა, ჩაერთონ მომზადება- გადამზადების პროექტებში სახელობო და პროფესიული მიმართულებით.

შეხვედრაზე, ვეტერანებმა, სამსახურის ხელმძღვანელობას სთხოვეს, არსებული მცირე ბიზნესის განსავითარებლად, დაფინასების მოპოვებაში დახმარება, დონორ ორგანიზაციებთან დაკავშირებასა და მათთან კომუნიკაციაში ხელშეწყობა.

საუბარი, ასევე, შეეხო საჭიროებებს, რომლებიც რეგიონში მცხოვრებ ომისა და თავდაცვის ძალების ვეტერანებს აქვთ. ხაზი გაესვა ვეტერანთა ინტეგრაციის მნიშვნელობას საზოგადოებაში, მათი პოტენციალის სწორად გამოყენებას, სოციალური და ეკონომიკური მდგომარეობის გაუმჯობესებას, პრიორიტეტული პროგრამების შემუშავებას და მათი ჯანდაცვის სერვისებით უზრუნველყოფას.

შეხვედრას, ასევე, ესწრებოდნენ ვეტერანების საქმეთა სახელმწიფო სამსახურის დირექტორის მრჩეველი, ვლადიმერ იმნაძე და სამსახურის გურიის სამმართველოს უფროსი, გელა ბაქანიძე.