გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

სპეციალური ოპერაციების ძალების დასავლეთის ბატალიონმა „გაერთიანებული ერთობლივი წვრთნები“ დაასრულა

19-04-2021

საქართველოს თავდაცვის ძალების სპეციალური ოპერაციების ძალების დასავლეთის ბატალიონისა და აშშ-ის არმიის ოპერატიული ქვედანაყოფის „ალფა“ ჯგუფის მიერ დასავლეთ სარდლობის დაქვემდებარებულ სხვადასხვა ლოკაციებზე „გაერთიანებული ერთობლივი გაცვლითი წვრთნები“ (JCET) გაიმართა.

სწავლება ორიენტირებული იყო არაკონვენციური და ასიმეტრიული ბრძოლების წარმოებაზე.

სწავლება ორ ფაზად, მოსამზადებელი და კულმინაციური წვრთნებით განხორციელდა. მოსამზადებელ ფაზაში სამედიცინო, საცეცხლე, ტაქტიკური და არაკონვენციური ბრძოლების მომზადების სავარჯიშოები ჩატარდა. კულმინაციურ ფაზაში კი, შექმნილი სცენარის მიხედვით თავდაცვის ძალების დასავლეთის სარდლობის მე-3 ქვეითი ბრიგადის ქვედანაყოფების, ასევე საგანგებო სიტუაციების მართვის სამსახურისა და სამოქალაქო სექტორის მხარდაჭერით, მოხდა პირობით მოწინააღმდეგეზე შეტევითი ოპერაციის, რეიდის განხორციელება.

კულმინაციური წვრთნები უფროსი ლეიტენანტი მუხრან შუკვანის სახელობის საწვრთნელ ბანაკში განხორციელდა. სწავლება სტრატეგიულ პარტნიორთან გამოცდილების გაზიარებას და სპეციალური ოპერაციების ძალების პირადი შემადგენლობის ასიმეტრიული ბრძოლების წარმოების დროს ერთობლივი მოქმედებების დახვეწას ისახავდა მიზნად. წვრთნების მიზანი ასევე, სახელმწიფო უწყებებთან და სამოქალაქო პირებთან ერთად კოორდინირებული მოქმედებების განხორციელება იყო.