გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ოქტომბერი 2021    »
 123
45678910
11121314151617
18192021222324
25262728293031

წეროვანში დაჭრილი სამხედროების რეპროთეზირება განხორციელდა

15-05-2021

საქართველოს თავდაცვის სამინისტროსა და კომპანია „მედიცენტრს“ შორის დადებული მემორანდუმის ფარგლებში დღეს, წეროვანის მარო მაყაშვილის სახელობის სარეაბილიტაციო ცენტრს თვალის პროთეზის თურქი სპეციალისტი ესტუმრა.

პროექტი რვა დაჭრილი სამხედრო მოსამსახურისთვის თვალის უახლესი ტექნოლოგიით დამზადებული პროთეზების ჩასმას ითვალისწინებდა

. თურქმა სპეციალისტმა, მურად აიმ, დაჭრილი სამხედროების ჯანმრთელობის მდგომარეობის წინასწარ შესწავლის შემდეგ, პაციენტების რეპროთეზირება განახორციელა. თურქი სპეციალისტის საქართველოში ჩამოყვანასა და თვალის ახალი ტექნოლოგიით დამზადებული პროთეზებისათვის საჭირო თანხა „დაჭრილ მებრძოლთა თანადგომის ფონდმა“ აანაზღაურა.

საქართველოს თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტსა და კომპანია „მედიცენტრს“ შორის ურთიერთთანამშრომლობის მემორანდუმი თავდაცვის სამინისტროს დაჭრილი და დაშავებული სამხედრო მოსამსახურეების, ასევე სამოქალაქო პერსონალის თურქეთის რესპუბლიკაში სამედიცინო მომსახურებას და ბენეფიციარებისთვის მკურნალობის შეღავათიანი პირობების შეთავაზებას ისახავს მიზნად.