გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    სექტემბერი 2021    »
 12345
6789101112
13141516171819
20212223242526
27282930 

საგამოძიებო სამსახურის უფროსი აშ შ-ს საელჩოს ექსპორტის კონტროლის და საზღვრის უსაფრთხოების (EXBS) ოფისის რეგიონალურ ხელმძღვანელს შეხვდა

20-05-2021

საქართველოს ფინანსთა სამინისტროს საგამოძიებო სამსახურის უფროსი, სოსო რამიშვილი, საქართველოში ამერიკის შეერთებული შტატების საელჩოს ექსპორტის კონტროლის და საზღვრის უსაფრთხოების (EXBS) ოფისის რეგიონალურ ხელმძღვანელს, ქალბატონ როსიცა პეტროვს შეხვდა. შეხვედრას საგამოძიებო სამსახურისა და აშშ-ს ექსპორტის კონტროლის და საზღვრის უსაფრთხოების ოფისის წარმომადგენლები ესწრებოდნენ.

გაცნობითი ხასიათის შეხვედრაზე, საგამოძიებო სამსახურის უფროსმა, სოსო რამიშვილმა, სტუმრებს საფინანსო-ეკონომიკური დანაშაულის წინააღმდეგ ბრძოლის სფეროში უწყების საქმიანობის სპეციფიკა გააცნო.

როსიცა პეტროვმა ხაზი გაუსვა აშშ-ს და საქართველოს ხელისუფლების ერთობლივი მუშაობის პროდუქტიულობასა და სამომავლო ინტენსიფიკაციის აუცილებლობას. ასევე, ყურადღება გამახვილდა საგამოძიებო სამსახურის როლზე კონტრაბანდის წინააღმდეგ ბრძოლის საქმეში, განსაკუთრებით კონტეინერების კონტროლის პროგრამის (CCP) ფარგლებში. ამერიკელმა სტუმარმა კიდევ ერთხელ აღნიშნა პროგრამაში ჩვენი უწყების ჩართულობის მნიშვნელობა.

შეხვედრაზე მხარეები შეთანხმდნენ სამომავლო ორმხრივი თანამშრომლობის კონკრეტულ გეგმებზე. აშშ საელჩომ გამოხატა სურვილი დახმარება გაუწიოს ფინანსთა სამინისტროს საგამოძიებო სამსახურს, როგორც საერთაშორისო გამოცდილების გაზიარებაში, ასევე მონაცემთა ანალიზის სისტემების წვდომის გაფართოებაში.