სამართლიანად ჩატარდა თუ არა არჩევნები
ირაკლი ღარიბაშვილი: პარტიაში და ჩვენს ხელმძღვანელობაში იდეალური, ჰარმონიული სიტუაციაა
23-05-2021
ეს არის შეგნებული პროვოკაციული ინფორმაცია, რომელიც ვრცელდება ჩვენი დეგრადირებული, ფაქტობრივად დაშლილი, დაქუცმაცებული ოპოზიციის მხრიდან, იმისათვის, რომ თავად გადაფარონ საკუთარ პარტიაში არსებული ძალიან მძიმე მდგომარეობა, - ასე უპასუხა საქართველოს პრემიერ-მინისტრმა ირაკლი ღარიბაშვილმა, ჟურნალისტის კითხვას, იმის შესახებ, შესაძლოა თუ არა მან ირაკლი კობახიძის პოზიცია დაიკავოს.
როგორც მთავრობის მეთაურმა აღნიშნა, დღეს პარტიაში არის იდეალური, ჰარმონიული სიტუაცია.
"ეს არის შეგნებული პროვოკაციული ინფორმაცია, რომელიც ვრცელდება ჩვენი დეგრადირებული, ფაქტობრივად დაშლილი, დაქუცმაცებული ოპოზიციის მხრიდან, იმისათვის, რომ თავად გადაფარონ საკუთარ პარტიაში არსებული ძალიან მძიმე მდგომარეობა. ეს არის მთავარი მიზეზი. დღეს პარტიაში და ჩვენს ხელმძღვანელობაში არის იდეალური, ჰარმონიული სიტუაცია. ჩვენ გვაქვს ძალიან მჭიდრო, ერთ მუშტად შეკრული სიტუაცია, - განაცხადა ირაკლი ღარიბაშვილმა.
