წმინდაწყალზე მანქანა განათების ბოძს შეეჯახა

22-11-2017

დღეს, საღამოს, გორში, ყიფიანის ქუჩაზე მსუბუქი ავტომანქანა განათების ბოძს შეეჯახა.

შეჯახების შედეგად ბოძი წაიქცა და მანქანას დაეცა.

მიმდებარე ტერიტორიაზე მყოფი პირების დახმარებით, მანქანის სახურავიდან ბოძი გადააგდეს.

ავტოსატრანსპორტო საშუალება სადენებისგან უსაფრთხო ადგილას გადაიყვანეს.

ავტოსაგზაო შემთხვევის შედეგად, დაშავებულების შესახებ, პოლიციას ცნობები არ ჰქონდა.

ამ წუთებში, წმინდაწყალზე, აღნიშნულ მონაკვეთზე ელექტროენერგია გათიშულია.

გამოძიება საპატრულო პოლიციამ დაიწყო, ეკიპაჟის წევრებმა თავდაპირველად მძღოლის ვინაობის გარკვევა დაიწყეს, რომელიც ადგილზე არ დახვდათ.

შეჯახება ყიფიანის ქუჩაზე, მე-16 და მე-17 კოპურსებთან მოხდა.

წყარო: საინფორმაციო ცენტრი "შიდა ქართლი"