სამართლიანად ჩატარდა თუ არა არჩევნები
სოფელ საჯიჯაოში ხიდის რეაბილიტაცია მიმდინარეობს
30-03-2018
საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულება-საავტომობილო გზების დეპარტამენტი ხობის მუნიციპალიტეტში, მორიგ მსხვილმასშტაბიან ინფრასტრუქტურულ პროექტს ახორციელებს.
როგორც „ინტერპრესნიუსს“ ხობის მუნიციპალიტეტის მერიიდან აცნობეს, შიდასახელმწიფოებრივი გზის ხობი-საჯიჯაო-ლესიჭინეს საავტომობილო გზის მეთერთმეტე კილომეტრზე მდებარე (მდინარე ხობზე) ხიდის რეაბილიტაცია მიმდინარეობს.
სახიდე გადასასვლელის სამშენებლო სამუშაოებს ხობის მუნიციპალიტეტის მერი გოჩა ქაჯაია გაეცნო.
მათივე ინფორმაციით, პროექტი სახელმწიფო დაფინანსებით ხორციელდება და მისი სახელშეკრულებო ღირებულება 67 9946 ლარს შეადგენს. ხიდის სიგრძე 136, ხოლო სიგანე 10.66 მეტრია. სამშენებლო სამუშაოები აგვისტოს ბოლომდე დასრულდება. პარალელურად, საავტომობილო გზების დეპარტამენტი ყულევის ადმინისტრაციულ ერთეულში შუა ხორგა-ქარიატა-ყულევის დამაკავშირებელი 16 კილომეტრიანი გზის რეაბილიტაციას ახორციელებს.
"ინტერპრესნიუსი"
