რუსთავსა და თელავში დღეს „ქართული ოცნება - დემოკრატიული საქართველოს“ საქალაქო კონფერენციები გაიმართება

2-04-2018

„ქართული ოცნება - დემოკრატიული საქართველო“ რუსთავსა და თელავში საქალაქო კონფერენციებს გამართავს, რომელზეც საქალაქო ორგანიზაციების თავმჯდომარეებს, ბიუროს წევრებს და ყრილობის დელეგატებს აირჩევენ. 
კონფერენციის მონაწილეებს სიტყვით „ქართული ოცნება - დემოკრატიული საქართველოს“ თავმჯდომარე, პრემიერ-მინისტრი გიორგი კვირიკაშვილი, პარტიის გენერალური მდივანი, ქალაქ თბილისის მერი კახა კალაძე და აღმასრულებელი მდივანი, პარლამენტის თავმჯდომარე ირაკლი კობახიძე მიმართავენ.
კონფერენციები რუსთავის თეატრში 13:00 საათზე, თელავის თეატრში კი 16:00 საათზე დაიწყება.