ირაკლი ღარიბაშვილი: იმედი მაქვს, ოპოზიციის გარკვეულ ნაწილთან კონსტრუქციულ რეჟიმში თანამშრომლობას გავაგრძელებთ

29-06-2021

მე მინდა მადლობა გადავუხადო ჩვენს საპარლამენტო უმრავლესობას, ჩვენი პარტიის თავჯდომარეს, საპარლამენტო უმრავლესობის ლიდერებს, ბატონ თავჯდომარეს, თითოეულ დეპუტატს, - ამის შესახებ საქართველოს პრემიერ-მინისტრმა, ირაკლი ღარიბაშვილმა, პარლამენტში, დასკვნითი სიტყვის წარმოთქმისას განაცხადა.

მთავრობის მეთაურმა იმედი გამოთქვა, რომ ოპოზიციის გარკვეულ ნაწილთან თანამშრომლობა კონსტრუქციულ რეჟიმში გაგრძელდება.

„მე მინდა მადლობა გადავუხადო ჩვენს საპარლამენტო უმრავლესობას, ჩვენი პარტიის თავჯდომარეს, საპარლამენტო უმრავლესობის ლიდერებს, ბატონ თავჯდომარეს, თითოეულ დეპუტატს. მე იმედი მაქვს, რომ ჩვენ გავაგრძელებთ კონსტრუქციულ რეჟიმში ოპოზიციის გარკვეულ ნაწილთან თანამშრომლობას. მთავრობა მზად არის, რომ ღიად გააგრძელოს მუშაობა თქვენთან ერთად, იმისთვის, რომ ჩვენს მოქალაქეებს მაქსიმალურად შევუმსუბუქოთ დღევანდელი მძიმე მდგომარეობა.

ჩვენი მთავარი ხედვა რაც არის ინფრასტრუქტურის მიმართულებით, სოფლის მეურნეობის, იქნება ეს ეკონომიკის მიმართულებით, ადგილობრივი წარმოების მიმართულებით, ქართული ჯარის გაძლიერების და განვითარების, პოლიციის გაძლიერების თუ ყველა მიმართულებით, ემსახურება იმას, რომ 2030 წელს და ეს არც თუ ისე შორს არის, რაც ჩვენ მოვედით ხელისუფლებაში გავიდა სულ რაღაც 8 წელი, 8-9 წელი გავიდა.

როდესაც ჩვენ გვაკრიტიკებენ ოპონენტები, მე მინდა მათ შევახსენო, არ არსებობს ნორმალური სახელმწიფო, რომელიც არ იხედება შორს და არ გეგმავს, არ აქვს გრძელვადიანი განვითარების ხედვა.

კიდევ ერთხელ, მე მინდა მადლობა გადაგიხადოთ თქვენ და გისურვოთ მშვიდობა და სტაბილურობა", - განაცდა პრემიერ-მინისტრმა.