გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ერედვის გამგებელმა სახელმწიფოსგან 1 ლარად გადაცემული ბინა 10 000 ლარად გაყიდა

4-04-2018

ერედვის გამგებლს ოთარ ცოტნიაშვილს, როგორც ლტოლვილის სტატუსის მქონე პირს, 2016 წელს საქართველოს მთავრობამ საგურამოში მდებარე საცხოვრებელი ბინა 1 ლარად გადასცა. 2017 წლის 28 ნოემბერს ოთარ ცოტნიაშვილმა ეს ბინა 10 000 ლარად გაყიდა.

საქართველოს მთავრობის განკარგულებით, 2016 წლის 12 აპრილს, მცხეთის მუნიციპალიტეტში, სოფელ საგურამოში მდებარე 60 კვ.მ ფართობის ბინა 1 ლარის საფასურად გადაეცა ერედვის გამგებლის ოთარ ცოტნიაშვილის ოჯახს. 

აღსანიშნავია, რომ სახელმწიფოსგან ბინის გადაცემამდე ერედვის გამგებელს უკვე ჰქონდა საკუთარი ბინა, - 2015 წლის 3 დეკემბერს მან 50 000 აშშ დოლარად იყიდა ქ. თბილისში, აკაკი წერეთლის გამზირის №6-ში მდებარე ბინა, რომლის ფართობიც 109 კვ.მ-ია. 

ოთარ ცოტნიაშვილი ერედვის გამგებლის თანამდებობას 2014 წლიდან იკავებს. ამჟამად მისი ხელფასის ოდენობა თვეში 2950 ლარია. ქონებრივი დეკლარაციების თანახმად, ოთარ ცოტნიაშვილის წლიური ხელფასი 2016 წელს 37 100 ლარი იყო, 2017 წელს კი 35 725 ლარი. 

საჯარო სექტორშია დასაქმებული ერედვის გამგებლის მეუღლე მარინა ქრისტესიაშვილიც, -  იგი საქართველოს ფინანსთა სამინისტროს სახაზინო სამსახურში მესამე კატეგორიის უფროს სპეციალისტად მუშაობს. მისი წლიური ანაზღაურება 21 955 ლარს შეადგენს. 

reginfo.ge