სამართლიანად ჩატარდა თუ არა არჩევნები
"ქართული ოცნება“ ოპოზიციურ პარტიებს: ნუ გაექცევით დისკუსიას და სცადეთ თქვენი სიმართლის დამტკიცება!
23-07-2021
პოლიტიკური პარტია "ქართული ოცნება - დემოკრატიული საქართველო" 26 ივლისს დაგეგმილი პლენარული სხდომის სესახებ განცხადებას ავრცელებს, რომელსაც უცვლელად გთავაზობთ:
"ორშაბათს, 26 ივლისს გაიმართება საქართველოს პარლამენტის პლენარული სხდომა, სადაც განიხილება და დამტკიცდება დროებითი საგამოძიებო კომისიის დასკვნა 2020 წლის საპარლამენტო არჩევნების შესახებ.
მოვუწოდებთ ყველა ოპოზიციურ პარტიას, დაესწრონ პლენარულ სხდომას და მონაწილეობა მიიღონ დასკვნის განხილვაში. თუ კვლავაც მიგაჩნიათ, რომ პარლამენტის მრავალთვიან საბოტაჟს, რომელმაც დააზიანა ქვეყნის ინტერესები, ჰქონდა ლეგიტიმური საფუძველი, ნუ გაექცევით დისკუსიას და სცადეთ თქვენი სიმართლის დამტკიცება.
სხდომაში არმონაწილეობა შეფასდება როგორც დისკუსიისგან თავის არიდებისა და პასუხისმგებლობისგან გაქცევის მცდელობა" - ნათქვამია განცხადებაში.
