« მაი 2024 » | ||||||
---|---|---|---|---|---|---|
ო | ს | ო | ხ | პ | შ | კ |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |
4-08-2021
„ქართული ოცნების“ აღმასრულებელი მდივნის, მამუკა მდინარაძის განცხადებით, შეუძლებელია ენდო იმ სოციოლოგიურ კვლევას, რომელიც ყველა წინა შემთხვევაში 20-25, ხანდახან კი 30%-ითაც კი ცდებოდა რეალურ შედეგს. ასე გამოეხმაურა ის საერთაშორისო რესპუბლიკური ინსტიტუტის (IRI) დაკვეთით ჩატარებული კვლევის შედეგებს.
„რამდენად უნდა ვენდოთ იმ კვლევას, რომელიც ყველა წინა შემთხვევაში 20-25, ხანდახან კი 30%-ითაც კი ცდება ხოლმე? რაც შეეხება მტკიცებულებებს - ვინც კი ოდნავ მაინც გარკვეულია მათ კონტაქტებში, იცის, რომ არსებობს „ნაცმოძრაობასთან“ დაკავშირებული ორი კომპანია. IPM-i ეკუთვნის გოჩა ცქიტიშვილს და ამ ადამიანის შესახებ ყველამ იცით, მეორე კი არის CRRC-ი, რომელიც დაკავშირებულია ლევან თარხნიშვილთან. მათ კვლევებს შორის ერთადერთი განსხვავება იყო ხოლმე - თუ წინა წლებში, როცა „ევროპული საქართველო“ ჯერ კიდევ არსებობდა, IPM-ის კვლევებში ამ პარტიას ჰქონდა გაყალბებულზე ცოტა უფრო დიდი რეიტინგი, ხოლო CRRC-ის კვლევებში „ნაცმოძრაობას“ ჰქონდა გაყალბებულზე კიდევ უფრო მეტი. როდესაც IPM-ის კვლევაში დავით ბაქრაძე იჭრებოდა წინ, CRRC-ის კვლევაში კი მიხეილ სააკაშვილი, ეს ყველაფერზე მეტყველებდა. 2012 წელს ამ ხალხის უშუალო შესრულებით უდიდესი გაყალბება მოხდა“, - აცხადებს მდინარაძე.