გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ნოემბერი 2019    »
 123
45678910
11121314151617
18192021222324
252627282930 

ფოთის და ახალციხის მერები 2012 წელს „ნაციონალურ მოძრაობას“ აფინანსებდნენ

17-04-2018

ქალაქ ფოთის მერი გოჩა კურდღელია და ახალციხის მერი ზაზა მელიქიძე 2012 წლის 1 ოქტომბრის საპარლამენტო არჩევნებისთვის „ნაციონალურ მოძრაობას“ აფინანსებდნენ. გოჩა კურდღელიამ მაშინდელ მმართველ პარტიას 10 000 ლარი, ზაზა მელიქიძემ კი 50 000 ლარი ჩაურიცხა.

საჯარო რეესტრის მონაცემებით, ორივე მუნიციპალიტეტის მერი იმ პერიოდში ბიზნესის სფეროში საქმიანობდა. გოჩა კურდღელია იყო კომპანიების „პრომეტკო ჯორჯიას“, „ჯეესკოს“, „მეტალექსისა“ და „მეტალექს-ტრანსის“ დირექტორი და მეწილე. ამასთან, 2006-2010 წლებში იგი „ნაციონალური მოძრაობის“ წარდგენით იყო ქ. ფოთის საკრებულოს წევრი. 

აღსანიშნავია, რომ გოჩა კურდღელიამ 2016 წლის საპარლამენტო არჩევნებისთვის „ქართული ოცნების“ ანგარიშზე 60 000 ლარი ჩარიცხა.

ზაზა მელიქიძე აღნიშნულ პერიოდში შპს „მელიზას“ და შპს „ლეგის“ დირექტორი და 100 % წილის მესაკუთრე იყო. 2014 წლიდან იგი ახალციხის გამგებლის თანამდებობაზე იქნა არჩეული. 

„რეგინფო“ წერდა, რომ ზაზა მელიქიძემ სოფელ ღრელში, წმინდა ივერიის ღვთისმშობლის სახელობის ეკლესიის მშენებლობა 147 000 ლარით დააფინანსა, 25 000 ლარი კი ქველმოქმედებაში დახარჯა.

reginfo.ge