სამართლიანად ჩატარდა თუ არა არჩევნები
წინასაარჩევნო კამპანიის ფარგლებში თეა წულუკიანმა გურიაში გამართა შეხვედრები
27-09-2021
საქართველოს კულტურის, სპორტისა და ახალგაზრდობის მინისტრმა თეა წულუკიანმა, გურიაში სახელმწიფო რწმუნებულ გიორგი ურუშაძესთან, ადგილობრივი მუნიციპალიტეტების წარმომადგენლებთან და „ქართული ოცნების" მერობის კანდიდატებთან ერთად ჩოხატაურსა და ოზურგეთში მოსახლეობასთან წინასაარჩევნო შეხვედრები გამართა.
ჩოხატაურში თეა წულუკიანმა გურიის გუბერნატორთან და მერობის კანდიდატ დავით შარაშიძესთან ერთად მოსახლეობასთან შეხვედრა ხელოვნების სასახლეში გამართა.
ოზურგეთში კი, წინასაარჩევნო კამპანიის ფარგლებში, მოსახლეობასთან და მერობის კანდიდატ ავთანდილ თალაკვაძესთან შეხვედრა გაიმართა ოზურგეთის მუნიციპალიტეტის სოფელ შემოქმედში. შეხვედრას საქართველოს პარლამენტის თავმჯდომარის მოადგილე არჩილ თალაკვაძე, პარლამენტის რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარი, სახელმწიფო რწმუნებული გურიის მხარეში გიორგი ურუშაძე და ადგილობრივი ხელისუფლების მოქმედი და ყოფილი წარმომადგენლები ესწრებოდნენ.
შეხვედრაზე ავთანდილ თალაკვაძემ მოსახლეობას მისი რვაპუნქტიანი საარჩევნო პროგრამა გააცნო. თეა წულუკიანმა კი ცენტრალური და ადგილობრივი ხელისუფლებების თანამშრომლობაზე გააკეთა აქცენტი და საქართველოს კულტურის, სპორტისა და ახალგაზრდობის სამინისტროს სახელით რაიონს სრული მხარდაჭერა აღუთქვა. მინისტრმა განაცხადა, რომ სამინისტრო გეგმავს დაიწყოს მუშაობა ასკანის უნიკალური ციხის აღდგენაზე და დაგეგმილი აქვს რაიონებში კულტურის სახლების აღდგენა და ეს პროცესი სოფელ შრომიდან დაიწყება.
