კვლევის მიხედვით, მესამე ადგილზე „საქართველოს“ კანდიდატი გიორგი ლილუაშვილია - 4.2%-ით. გამოკითხულთა 9% პასუხობს, რომ არ იცის - ვის დაუჭერს მხარს, ხოლო 2.8% პასუხზე უარს ამბობს.
კითხვაზე - გაამართლა თუ არა ბიძინა ივანიშვილმა თქვენი იმედები, გამოკითხულთა 64.1% ამბობს, რომ ვერ გაამართლა. 17.7% ფიქრობს, რომ გაამართლა, ხოლო 18.2% ნეიტრალურად არის განწყობილი. კითხვაზე - სიტუაცია ქვეყანაში ვითარდება ძირითადად სწორი გზით თუ არასწორი გზით, გამოკითხულთა 62.3 % ამბობს, რომ ძირითადად არასწორი გზით ვითარდება, 31.5% მიიჩნევს რომ სწორი გზით, ხოლო 6.3%-ს უჭირს პასუხის გაცემა.
„კვლევის შედეგები კიდევ ერთხელ ადასტურებს, რომ ხელისუფლების საქმიანობით მოსახლეობის უდიდესი ნაწილი უკმაყოფილოა. მოსახლეობას უმუშევრობა, სიღარიბე და უპერსპექტივობის განცდა აწუხებს. ასევე მოუგვარებელია ყოფითი საცხოვრებელი პირობები (გზა, წყალი, კანალიზაცია). მოსახლეობას განსაკუთრებულ პრობლემას უქმნის ფაროსანაც. გამოკითხულთა 59%-ის აზრით, ხელისუფლებამ ამ პრობლემაზე რეაგირება არ მოახდინა ან არაადეკვატური იყო“, - ნათქვამია „ევროპული საქართველოს“ მიერ გავრცელებულ განცხადებაში.
ვანის და ხონის მუნიციპალიტეტების სოციალურ-ეკონომიკური და პოლიტიკური კვლევა „ევროპული საქართველოს“ დაკვეთით კომპანია „ბი-სი-ჯიმ“ 2018 წლის აპრილში ჩაატარა. გამოიკითხა 18 წელს ზემოთ 620 ადამიანი, პირისპირ ინტერვიუს სახით.
ხონისა და ვანის გაერთიანებულ ოლქში პარლამენტის შუალედური არჩევნები 28 აპრილს ჩატარდება. არჩევნების ჩატარება მას შემდეგ გახდა საჭირო, რაც „ქართული ოცნების“ დეპუტატი გრიგოლ ლილუაშვილისახელმწიფო უსაფრთხოების სამსახურის უფროსის მოადგილედ დაინიშნა.
