სამართლიანად ჩატარდა თუ არა არჩევნები
გარდაბნის სკოლაში ბულინგის ფაქტს განათლების მინისტრი ეხმიანება
25-04-2018
გარდაბნის საჯარო სკოლაში ბულინგის ფაქტზე განათლების მინისტრი კომენტარს აკეთებს. მიხეილ ჩხენკელის განცხადებით, განათლების სამინისტრო ფაქტზე მოკვლევას აწარმოებს, შინაგან საქმეთა სამინისტრო კი გამოძიებას.
„ამ საკითხს რეაგირება აუცილებლად ექნება გამოძიების დასრულებისთანავე. ჩვენ საუბარი გვაქვს სკოლის დირექციასთან, ასევე რესურს ცენტრთან, როდესაც მოკვლევა და გამოძიება დასრულდება რეაგირება კანონის ფარგლებში იქნება,"- განაცხადა მიხეილ ჩხენკელმა.
შეგახსენებთ, მოსწავლეთა მშობლები სკოლიდან იმ ბავშვების გარიცხვას მოითხოვენ, რომლებმაც მოსწავლეზე იძალადეს და ვიდეო სოციალურ ქსელში გაავრცელეს.
გავრცელებულ ვიდეოჩანაწერს, რომელშიც არასრულწლოვნის მიმართ ძალადობის ფაქტი იკვეთება, პერსონალურ მონაცემთა ინსპექტორი და სახალხო დამცველიც გამოეხმაურნენ.
შსს-ს ინფორმაციით კი, ბავშვზე ძალადობის ამსახველ ვიდეოში ყველა პირი იდენტიფიცირებულია.
