მამუკა მდინარაძე: რუსთავში, კირკიტაძეს 5 დრონი აქვს ნაქირავები და ცდილობს ვითომ „კარუსელების“ იმიტაციის შექმნას

30-10-2021

„სამწუხაროდ, პროვოკაციები უკვე დაიწყეს, თავის ხელწერას არ იშლიან“, - განაცხადა „ქართული ოცნების“ აღმასრულებელმა მდივანმა ჟურნალისტებთან საუბრისას, საარჩევნო უბანზე ხმის მიცემის შემდეგ.

მამუკა მდინარაძის თქმით, „ნაციონალური მოძრაობის“ კანდიდატი რუსთავში ე.წ. კარუსელის იმიტაციის შექმნას დრონებით ეცდება.

„მაგალითად, რუსთავში, კირკიტაძეს დრონები აქვს ნაქირავები და თავისი ხალხით, რაღაც სპექტაკლების დადგმა უნდა. 5 დრონი აქვს ნაქირავები და ცდილობს ვითომ „კარუსელების“ იმიტაციის შექმნას. თან, ამას აკეთებს თავისი ხალხით. წარმოგიდგენიათ? დრონით როგორ უნდა დააფიქსირო „კარუსელი?“, 10 კაცი ერთად თუ მიდის, უკვე „კარუსელია?“, - განაცხადა მამუკა მდინარაძემ.