გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    თებერვალი 2024    »
 1234
567891011
12131415161718
19202122232425
26272829 

იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატის სამოქალაქო ინტეგრაციის აკადემიამ ახალგაზრდების პირველი ნაკადი მიიღო

13-11-2021

იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატის სამოქალაქო ინტეგრაციის აკადემიამ ახალგაზრდების პირველი ნაკადი მიიღო. ამის შესახებ ინფორმაციას აფხაზეთის მთავრობა ავრცელებს.


პროექტის ფარგლებში, კონკურსის შედეგად შერჩეულ, აფხაზეთიდან დევნილ 20 ახალგაზრდას სამოქალაქო ინტეგრაციის მიმართულებით ხუთ დღიანი სასწავლო კურსი ჩაუტარდებათ.


„მონაწილეებს, დარგის ექსპერტები თავიანთ გამოცდილებას და პრაქტიკას გაუზიარებენ. ასევე, ახალგაზრდებს შესაძლებლობა ექნებათ ისწავლონ პროექტის წერა და შემდგომ, მათი პრაქტიკაში განხორცილება, მოსახლეობასთან კომუნიკაციის, პრობლემის იდენტიფიცირებისა და რესურსების მოძიების მიმართულებით.

პროექტის მნიშვნელოვანი ეტაპი დაეთმობა მონაწილე ახალგაზრდების შეხვედრების ორგანიზებას დევნილთა ჩასახლებებში, პრობლემებისა და რესურსების იდენტიფიცირების მიზნით, რის საფუძველზეც მომზადდება პროექტები და საუკეთესო იდეა განხორციელდება.


სასწავლო კურსის დასასრულს პროგრამის მონაწილეებს სერთიფიკატები გადაეცემათ, ხოლო, ის მონაწილეები, რომლებიც აღნიშნულ კურსს წარმატებით გაივლიან აკადემიის დიპლომებს მიიღებენ.


„სამოქალაქო ინტეგრაციის აკადემია აფხაზეთიდან დევნილი ახალგაზრდებისთვის“ მინისტრის აპარატის მიერ ახლახანს შეიქმნა, რომელის მიზანია ახალგაზრდებში სამოქალაქო ინტეგრაციის საკითხებზე ცოდნის მიღება, აქტიურ მოქალაქეებად ჩამოყალიბების ხელშეწყობა და ახალი უნარების განვითარება, ადგილობრივ და ცენტრალურ დონეზე მნიშვნელოვანი საკითხების გადაწყვეტის პროცესში ჩართულობა, თავიანთი თემის საჭიროებების იდენტიფიცირება და გადაწყვეტილების მიმღებ პირებამდე მიტანა”,- აღნიშნულია გავრცელებულ ინფორმაციაში.