სამართლიანად ჩატარდა თუ არა არჩევნები
ქართული კომპანიები საერთაშორისო მეცხოველეობის გამოფენაზე VIV MEA 2021 წარდგნენ
1-12-2021
სააგენტოს "აწარმოე საქართველოში" ექსპორტის მიმართულების ორგანიზებით, პირველად სამი ცხოველთა კომბინირებული საკვების ქართული კომპანია - "ინვენტ ჯგუფი", "ნუტრიმაქსი" და "ბიოტექსი" საერთაშორისო ბაზარზე წარდგა.
საერთაშორისო გამოფენა VIV MEA 2021 აბუ-დაბიში, არაბთა გაერთიანებულ საამიროებში გაიმართა, სადაც 40 ქვეყნიდან 500-მა კომპანიამ მიიღო მონაწილეობა. გამოფენის მიზანი პოტენციურ საერთაშორისო პარტნიორებსა და დამკვეთებს შორის ბიზნეს კავშირების დამყარება, ქვეყნების საექსპორტო პოტენციალის პოპულარიზაცია და საექსპორტო ბაზრების დივერსიფიცირებაა.
შედეგად, გაიმართა არაერთი ღონისძიება და B2B შეხვედრა, სადაც ქართულ კომპანიებს ბიზნეს ურთიერთობების დამყარების და საექსპორტო პოტენციალის ზრდის შესაძლებლობა მიეცათ.
ქართული დელეგაცია აღნიშნულ გამოფენაზე ადგილობრივად წარმოებული ვეტერინარული პრეპარატებისა და ცხოველთა კომბინირებული საკვებით იყო წარმოდგენილი.
