დმანისის საკრებულოს ოპოზიციონერი დეპუტატი უარყოფს თანაგუნდელების მიერ გავრცელებულ ინფორმაციას, თითქოს ის სუსმა მოიტაცა

9-12-2021

დმანისის საკრებულოს მაჟორიტარი დეპუტატი, ოპოზიციონერი რამიზ რამაზანოვი უარყოფს ინფორმაციას სუსის მიერ მის გატაცებაზე და აცხადებს, რომ საქართველოში, ნათესავებთან იმყოფება. ამის შესახენ მან imedinews-ს განუცხადა.

„სტუმრად ვარ ჩემს ახლობლებთან, საქართველოში. ვინ მომიტაცა, ასეთი რამ არ არსებობს. ახლობლებთან ვარ და ყველაფერი კარგად არის“, - ამბობს რამიზ რამაზანოვი.

მანამდე დმანისის საკრებულოს ოპოზიციონერმა წევრებმა ხელისუფლება შანტაჟსა და მუქარაში დაადანაშაულეს და განაცხადეს, რომ სუს-მა მათი თანაგუნდელი რამიზ რამაზანოვი გაიტაცა.