სამართლიანად ჩატარდა თუ არა არჩევნები
ლევან დავითაშვილი: ჩვენი ამბიციაა, რომ არა მხოლოდ ეკონომიკის აღდგენაზე ვიზრუნოთ და დავუბრუნდეთ პანდემიამდელ მაჩვენებლებს, არამედ შევძლოთ ეკონომიკის სწრაფი განვითარება
14-02-2022
„ჩვენი მთავარი ამოცანაა ეკონომიკის სწრაფი ზრდა და ამის შედეგად მეტი დასაქმება, მეტი შემოსავალი ჩვენი ქვეყნის მოსახლეობას" - ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა მთავრობის ადმინისტრაციაში გამართულ ბრიფინგზე განაცხადა.
მისივე თქმით, მხოლოდ ეკონომიკის აღდგენა პანდემიამდელ მდგომარეობაში არ არის საქართველოს ხელისუფლების მიმართ ქვეყნის მოსახლეობის დაკვეთა.
„ჩვენი განწყობაა, რომ ეკონომიკის სწრაფი განვითარება შევძლოთ და არა მხოლოდ ის, რომ აღდგენაზე ვიზრუნოთ და დავუბრუნდეთ პანდემიამდელ მაჩვენებლებს - ეს არ არის ჩვენი ამბიცია, ეს ასევე არ არის ჩვენი ქვეყნის მოსახლეობის დაკვეთა საქართველოს ხელისუფლების მიმართ. ჩვენი მთავარი ამოცანაა ეკონომიკის სწრაფი ზრდა და ამის შედეგად მეტი დასაქმება, მეტი შემოსავალი ჩვენი ქვეყნის მოსახლეობას" - აღნიშნა ლევან დავითაშვილმა.
