გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    თებერვალი 2023    »
 12345
6789101112
13141516171819
20212223242526
2728 

გარემოს დაცვისა და ბუნებრივი რესურსების კომიტეტმა 2022-24 წლების სამოქმედო გეგმა დაამტკიცა

14-02-2022

პარლამენტის გარემოს დაცვისა და ბუნებრივი რესურსების კომიტეტმა დღეს 2022-24 წლების სამოქმედო გეგმის თაობაზე იმსჯელა და ხმათა უმრავლესობით დაამტკიცა.


მომხსენებელმა, კომიტეტის თავმჯდომარის პირველმა მოადგილემ, ხატია წილოსანმა განაცხადა, რომ გეგმა ოთხი ძირთადი მიმართულებისგან შედგება. ეს არის კანონშემოქმედებითი და საზედამხედველო საქმიანობა, გამჭვირვალობა და კომუნიკაცია და ასევე, კომიტეტის ორგანიზაციული საქმიანობა. გარდა ამისა მან იმ ძირითადი კანონპროექტების შესახებ ისაუბრა, რომლებზეც კომიტეტი 2022 წლის განმავლობაში იმუშავებს.


„ყველაზე მნიშვნელოვანია კლიმატის მიმართულებით საკანონმდებლო საქმიანობის დახვეწა და გაუმჯობესება, ასევე კლიმატის საბჭოს შექმნა, რომელიც კლიმატის პოლიტიკის და მიღებული გადაწყვეტილებების აღსრულებაზე ზედამხედველობას და ამ კუთხით პარლამენტის როლის გაუმჯობესებას უზრუნველყოფს. ასევე მნიშვნელოვანი კანონპროექტია სამრეწველო მისიების შესახებ ახალი კანონის ინიცირება, წყლის რესურსების მართვის შესახებ კანონპროექტი, რომელიც წყლის რესურსების ინტეგრირებულ მართვას გულისხმობს. მოვამზადებთ შინაური ბინადარი ცხოველების შესახებ ახალ კანონპროექტს, გარემოსდაცვითი შეფასების კოდექსში მიმდინარე ცვლილებებს და ვიმსჯელებთ იმ საკითხებზე, რომლებიც ახლებურად მოაწესრიგებს გზშ-ს (გარემოზე ზემოქმედების შეფასება) დაქვემდებარებული ობიექტების რეგულირებას".


კომიტეტი მიმდინარე წლის განმავლობაში ოთხ თემატურ მოკვლევას გეგმავს. ხატია წილოსანის თქმით მათ შორის მნიშვნელოვანია დეკარბონიზაციის შესახებ თემატური მოკვლევა, რომელიც დარგობრივი ეკონომიკისა და ეკონომიკური პოლიტიკის კომიტეტთან ერთად ჩატარდება.


მომხსენებლის ინფორმაციით კომიტეტი იმუშავებს მნიშვნელოვან კანონპროექტზე გამწვანების სტანდარტებთან დაკავშირებით. ასევე, ამტვერებადი მასალების მართვის მიმართულებით განსახორციელებელ ცვლილებებზე, რომელიც მთელი საქართველოს მასშტაბით ისევე დაარეგულირებს ამტვერებადი მასალების მართვას, როგორც ეს თბილისის შემთხვევაში მოხდა.