გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ყვარლის გამგეობამ და საკრებულომ რესტორნებში 60 000-მდე ლარი დახარჯეს

26-11-2017

ყვარლის გამგეობამ და საკრებულომ 2015-2016 წლებში მოწვეულ სტუმრებს სხვადასხვა რესტორნებში 90-ჯერ უმასპინძლეს, რაშიც ბიუჯეტიდან 59 400 ლარი დაიხარჯა. გამგებელმა და საკრებულოს თავმჯდომარემ ბრძანებებ არ მიუთითეს ჩატარებლი ღონისძიებების დასახელება, მასპინძლებისა და სტუმრების რაოდენობა.

სახელმწიფო აუდიტის სამსახურის მიერ გამოქვეყნებული ანგარიშის მიხედვით, 2015-2016 წლებში ყვარლის მუნიციპალიტეტის ორგანოების წარმომადგენლობითმა ხარჯებმა ჯამში 69 000 ლარი შეადგინა. ამ ხარჯებიდან დაფინანსებულია სხვადასხვა ღონისძიებებთან დაკავშირებით მოწვეული სტუმრების გამასპინძლება, გადასაცემი საჩუქრები, ფურშეტებისა და წვეულებების მოწყობა და სხვ. 

აუდიტის მასალებში აღნიშნულია, რომ ყვარლის მუნიციპალიტეტის გამგეობისა და საკრებულოს მიერ სტუმრების გამასპინძლებისთვის სხვადასხვა რესტორნის მომსახურებაში ორ წლის განმავლობაში სულგახარჯულია 59 400 ლარი. აქედან, 2015 წელს 44 შემთხვევში გაწეულია 30 800 ლარის ხარჯი, 2016 წელს კი 46 შემთხვევაში დაიხარჯა 28 600 ლარი. შესაბამისად, სარესტორნო ხარჯები გაწეულია თვეშისაშუალოდ 3-4 ჯერ. 

კანონმდებლობის თანახმად, წარმომადგენლობითი ხარჯების მოიცავს მიღებების, წვეულებებისა და ღონისძიებებისათვის, სუვენირების შეძენა-დამზადების, სატრანსპორტო მომსახურების, აგრეთვე სასტუმროში მომსახურების ხარჯებს. მუნიციპალიტეტის მიერ აღნიშნული ხარჯების გაწევის აუცილებლობა უნდა იყოს დოკუმენტურად სათანადოდ დასაბუთებული. 

აუდიტის დასკვნაში ასევე მითითებულია, რომ ყვარლის გამგეობასა და საკრებულოში დასაქმებულია 155 თანამშრომელი, რომელთაგან 13 შტატგარეშე მოსამსახურეა. 2015-2016 წლებში დასაქმებულ პირებზე შრომის ანაზღაურების სახით სულ გაცემულია 2 946 900 ლარი, მათ შორის, პრემია და დანამატი - 464 100 ლარი. გარდა ამისა, გამგეობისა და საკრებულოს 34 თანამშრომელზე გაცემულია 280 300 ლარის საწვავი


წყარო: reginfo.ge