გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

თელავის სახელმწიფო უნივერსიტეტში HorizonEurope-ის საგრანტო ოფისი გაიხსნა

16-05-2022

იაკობ გოგებაშვილის სახელობის თელავის სახელმწიფო უნივერსიტეტში HorizonEurope-ის საგრანტო ოფისი გაიხსნა. ღონისძიებას საქართველოს განათლებისა და მეცნიერების მინისტრის მოადგილე ნუნუ მიცკევიჩი ესწრებოდა.


ნუნუ მიცკევიჩმა დამსწრე საზოგადოებას სიტყვით მიმართა და აღნიშნა, რომ ახალი საგრანტო ოფისი უნივერსიტეტის პროფესორ-მასწავლებლებს, მკვლევრებსა და სტუდენტებს მისცემს შესაძლებლობას, აქტიურად იყვნენ ჩართულნი სამეცნიერო მიმართულებით ყველა იმ პროექტში, რომელიც ევროკავშირის მასშტაბით განხორციელდება.


თელავის სახელმწიფო უნივერსიტეტში საგრანტო ოფისის საზეიმო გახსნის ღონისძიებას ასევე საქართველოს პარლამენტის წევრი ირაკლი ქადაგიშვილი, თელავის მერი ლევან ანდრიაშვილი, HorizonEurope-ის საქართველოს ეროვნული ოფისის ხელმძღვანელი მაია ოკუჯავა, თელავის უნივერსიტეტის რექტორი ირმა შიოშვილი, ადგილობრივი თვითმართველობისა და სამეცნიერო სფეროს წარმომადგენლები ესწრებოდნენ.


განათლებისა და მეცნიერების სამინისტროს ინიციატივით მთელი ქვეყნის მასშტაბით აქტიურად მიმდინარეობს HorizonEurope-ის საგრანტო ოფისების ქსელის გაფართოება, რომელიც ეტაპობრივად საქართველოს ყველა საჯარო უნივერსიტეტს მოიცავს. საგრანტო ოფისის ფუნქციაა ქართველ მკვლევართა ჯგუფების ხელშეწყობა კონკურენტუნარიანი საპროექტო განაცხადების მომზადებასა და შემდგომი პროცესებისმართვაში.


HorizonEurope-ის საგრანტო ოფისები უკვე გაიხსნა გორის სახელმწიფო სასწავლო უნივერსიტეტში, სოხუმის სახელმწიფო უნივერსიტეტში, საქართველოს ტექნიკურ უნივერსიტეტში, აკაკი წერეთლის სახელმწიფო უნივერსიტეტში, სამცხე-ჯავახეთის სახელმწიფო უნივერსიტეტსა და ქუთაისის საერთაშორისო უნივერსიტეტში.


2021 წელს საქართველოს პრემიერ-მინისტრის, ირაკლი ღარიბაშვილის უშუალო ჩართულობით, საქართველო ევროკავშირის კვლევისა და ინოვაციის ახალი ჩარჩო პროგრამის, HorizonEurope-ის წევრი გახდა. ასოცირების საერთაშორისო შეთანხმებას ბრიუსელში ხელი მოაწერეს საქართველოს განათლებისა და მეცნიერების მინისტრმა, მიხეილ ჩხენკელმა და ინოვაციის, კვლევების, კულტურის, განათლებისა და ახალგაზრდობის საკითხებში ევროკომისარმა მარია გაბრიელმა. შეთანხმების საფუძველზე საქართველოში HorizonEurope-ის ეროვნული ოფისი დაფუძნდა და პროგრამის კონკურსებში საქართველოს წარმომადგენლებს შესაძლებლობა მიეცათ, ისარგებლონ ზუსტად ისეთივე პირობებითა და უფლებებით, როგორითაც ევროკავშირის ქვეყნების სამეცნიერო და ინოვაციების სფეროს წარმომადგენლები სარგებლობენ.