გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ნინო თანდილაშვილი შვედეთის საგარეო საქმეთა სამინისტროს სახელმწიფო მდივანს განვითარების თანამშრომლობის საკითხებში, ჯენი ოლსონს შეხვდა

5-06-2022

საქართველოს გარემოს დაცვისა და სოფლის მეურნეობის მინისტრის მოადგილე ნინო თანდილაშვილი შვედეთის საგარეო საქმეთა სამინისტროს სახელმწიფო მდივანს განვითარების თანამშრომლობის საკითხებში, ჯენი ოლსონს შეხვდა.  

   

შვედეთის სამეფოს დედაქალაქ სტოკჰოლმში  მიმდინარე მაღალი დონის საერთაშორისო კონფერენციის „სტოკჰოლმი+50” ფარგლებში გამართულ შეხვედრაზე, ნინო თანდილაშვილმა ჯენი ოლსონს საქართველოში მიმდინარე  და დაგეგმილ რეფორმებზე მიაწოდა ინფორმაცია და ყურადღება ევროინტეგრაციის პროცესზე გაამახვილა. მინისტრის მოადგილემ აღნიშნა, რომ საქართველომ განაცხადი გააკეთა ევროკავშირის წევრობაზე და უმნიშვნელოვანეს გადაწყვეტილებას ელოდება.


შეხვედრაზე საუბარი შეეხო საქართველოს სავაჭრო-ეკონომიკურ მიმართულებებს, მათ შორის, აგროსასურსათო პროდუქციის წარმოებას და  საექსპორტო პოტენციალს. 


შვედეთის საგარეო საქმეთა სამინისტროს სახელმწიფო მდივანმა განვითარების თანამშრომლობის საკითხებში, ჯენი ოლსონმა ნინო თანდილაშვილს  შვედეთის მთავრობის მხარდაჭერა დაუდასტურა და სამომავლო თანამშრომლობისთვის მზადყოფნა გამოთქვა.

მხარეებს შორის გამართულ შეხვედრას შვედეთის სამეფოში საქართველოს ელჩის მოადგილე ლევან მაჭავარიანი ესწრებოდა.