გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ივლისი 2022    »
 123
45678910
11121314151617
18192021222324
25262728293031

კატასტროფის რისკის შემცირების ადგილობრივი საბჭოების შექმნის შესახებ საინფორმაციო შეხვედრა გაიმართა

23-06-2022

გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ორგანიზებით, პროექტის „კლიმატის ცვლილებით გამოწვეული კატასტროფების რისკის შემცირება საქართველოში” ფარგლებში, სამუშაო შეხვედრა გაიმართა.


გარემოსდაცვითი ინფორმაციისა და განათლების ცენტრის ინფორმაციით, შეხვედრა, რომელზეც კატასტროფის რისკის შემცირების საბჭოების შექმნის საკითხები განიხილეს, გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა გახსნა.


„პროექტის „კლიმატის ცვლილებით გამოწვეული კატასტროფების რისკის შემცირება საქართველოში” ერთ-ერთი მთავარი მიზანია, შექმნას სისტემა, რომელიც პრიორიტეტს მიანიჭებს რისკის შემცირებას, პრევენციულ ზომებს, საზოგადოების ინფორმირებულობას, ცნობიერებისა და პასუხისმგებლობის დონის ამაღლებას. ამისათვის, უმნიშვნელოვანესია მუნიციპალიტეტების შესაძლებლობების გაძლიერება, რისთვისაც გარემოსდაცვითი ინფორმაციისა და განათლების ცენტრის მიერ დაიგეგმება სამუშაო შეხვედრები, ტრენინგები და წახალისდება სათემო ინიციატივები. პროექტის წარმატებით განხორციელებისათვის მნიშვნელოვანია, ადგილობრივმა მთავრობებმა მჭიდროდ ითანამშრომლონ პროექტის განმახორციელებელ უწყებებთან ცენტრალურ დონეზე, სწორედ ამ მიზნის მიღწევის ერთ-ერთი საშუალებაა კატასტროფის რისკის შემცირების საბჭოების შექმნაა“, - განაცხადა სოლომონ პავლიაშვილმა.


როგორც გარემოსდაცვითი ინფორმაციისა და განათლების ცენტრში აღნიშნავენ, პროექტის „კლიმატის ცვლილებით გამოწვეული კატასტროფების რისკის შემცირება საქართველოში” ერთ-ერთი მნიშვნელოვანი აქტივობაა - ადგილობრივი რეაგირების და მზადყოფნის გეგმების მომზადება, რომელსაც საგანგებო სიტუაციების მართვის სამსახური ახორციელებს.


„პროექტის ექსპერტებმა თემზე დაფუძნებული კატასტროფის რისკის მართვასა და ადგილობრივი თვითმმართველობის როლის მნიშვნელობაზე იმსჯელეს კატასტროფის რისკის შემცირებაში, ასევე, პროექტის ფარგლებში განხორციელებული აქტივობები შეაჯამეს.


ღონისძიებას გაეროს განვითარების პროგრამის (UNDP) გარემოს დაცვის და ენერგეტიკის მიმართულების ხელმძღვანელი ნინო ანთაძე, მთავრობის ადმინისტრაციის რეგიონებთან ურთიერთობის დეპარტამენტის კოორდინატორი მარიამ შელეგია, გარემოსდაცვითი ინფორმაციისა და განათლების ცენტრის დირექტორი თამარ ალადაშვილი, პროექტის სამიზნე მუნიციპილიტეტების (ლაგოდეხი, ახმეტა, სიღნაღი, თელავი, გორი, სამტრედია, აბაშა, ხობი, სენაკი და ქობულეთი) მერები და სახელმწიფო რწმუნებულების წარმომადგენლები ესწრებოდნენ.


პროგრამა „კლიმატის ცვლილებით გამოწვეული კატასტროფების რისკის შემცირება საქართველოში“ დაფინანსებულია საქართველოს მთავრობის, კლიმატის მწვანე ფონდის (GCF), შვეიცარიის და შვედეთის მთავრობების მიერ, მის განხორცილებას გაეროს განვითარების პროგრამა (UNDP) უზრუნველყოფს",- აღნიშნულია გავრცელებულ ინფორმაციაში.