გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    აგვისტო 2022    »
1234567
891011121314
15161718192021
22232425262728
293031 

ძლიერმა წვიმებმა ონის სოფელ სორგითის მოსახლეობას პრობლემები შეუქმნა

27-06-2022

ძლიერი წვიმების შედეგად სოფელ სორგითში გააქტიურდა მეწყრული პროცესები, რის შედეგადაც, მთიდან ჩამოწოლილმა მასამ დააზიანა სოფელში მისასვლელი საავტომობილო გზა.


დილიდან, სტიქიის ადგილზე იმყოფებოდნენ ონის მუნიციპალიტეტის მერის მოადგილე - ლევან შერაზადიშვილი და ინფრასტრუქტურის სამსახურის უფროსი - თეიმურაზ გძელიშვილი.


შეგახსენებთ, რომ 26 ივნისს, მთიდან ჩამოწოლილმა მეწყერმა, მუნიციპალიტეტის ცენტრს მოწყვიტა საავტომობილო გზის გარკვეული მონაკვეთი, რამაც პრობლემა შეუქმნა სოფ. სორგითის მოსახლეობას.


ამ დროისათვის, ადგილზე მობილიზებულია მძიმე ტექნიკა და აქტიურ რეჟიმში მიმდინარეობს მთიდან ჩამოწოლილი ნაშალი მასისგან გზის გაწმენდითი სამუშაოები.


აღნიშნულ საავტომობილო გზის მონაკვეთზე ავტოტრანსპორტით გადაადგილება დღის ბოლომდე შესაძლებელი იქნება.


უამინდობისგან გამოწვეული პრობლემის დროულად აღმოფხვრის მიზნით, შექმნილია სტიქიის შემსწავლელი დროებითი სამუშაო ჯგუფი, რომელიც მოახდენს მიყენებული ზარალის დათვლას, რის შემდგომადაც, უმოკლეს პერიოდში გატარდება საჭირო ღონისძიებები.