გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

გიორგი ხანიშვილი: უახლოეს დღეებში გამოიდარებს და ფერმერებმა წამლობა უნდა დაიწყონ

30-06-2022

„გასულ წელს,  ექსპორტზე 120 მლნ დოლარის ღირებულების თხილი გავიდა. არ შეიძლება ჩვენ ეს ტემპი შევანელოთ.მინდა,მოვუწოდო ფერმერებს, თხილის მოსავლის გადასარჩენად, დამატებითი, ორი-სამი წამლობა აუცილებლად ჩაატარონ. უახლოეს დღეებში გამოიდარებს და ფერმერებმა წამლობა უნდა დაიწყონ“, - განაცხადა გარემოს დაცვისა და სოფლის მეურნეობის მინისტრის პირველმა მოადგილემ, გიორგი ხანიშვილმა.


მინისტრის მოადგილის განმარტებით,  წელს, როგორც აღმოსავლეთ, ასევე  დასავლეთ საქართველოში, უხვმანალექმა სირთულეები შექმნა. ფერმერებმა მაქსიმალურად სწრაფად უნდა დაიწყონ თხილის ბაღების წამლობა. სახელმწიფო აგრძელებს და გააგრძელებს მასივების დამუშავებას აზიური ფაროსანას წინააღმდეგ; თუმცა, პარალელურად, წამლობა სიდამპლეზე, ნაცარსა და სხვა დაავადებებზეც უნდა განხორციელდეს. 


„სწორედ ამიტომ, მოვუწოდებ თხილის მწარმოებლებს, რომლებიც, ჯამურად, დაახლოებით,  60 000 ჰა ფართობის დიდი და მცირე თხილის პლანტაციებს ფლობენ, რომ აუცილებლად შეწამლონ ბაღები. სახელმწიფომ მცირე ფერმერებს წამლობისთვის გათვალისწინებული 300 ლარიანი ვაუჩერები დაურიგა“, - განაცხადა გიორგი ხანიშვილმა.