სამართლიანად ჩატარდა თუ არა არჩევნები
თამთა მეგრელიშვილი: კრედიტ სუისი ბიძინა ივანიშვილის მიმართ გადარიცხვების შესაჩერებლად ევროპარლამენტის რეზოლუციას იყენებს
18-07-2022
„დიდი მიხვედრა არ სჭირდება იმას, რომ რეზოლუციით სამართლიანი ევროპა ითხოვს უსამართლობას, რადგან მსჯავრდებული სააკაშვილისა და გვარამიას განთავისუფლების მოთხოვნა კანონის უზენაესობაზე მკვეთრი წითელი ხაზებია“- ამის შესახებ საჯარო მმართველობის დოქტორი თამთა მეგრელიშვილი სოციალურ ქსელში წერს.
მისი თქმით პროცესი დასრულდება და ბიძინა ივანიშვილის ყველა კანონიერი მოთხოვნა დაკმაყოფილდება.
„კრედიტ სუისი ბიძინა ივანიშვილის მიმართ (გადარიცხვების შესაჩერებლად) ევროპარლამენტის რეზოლუციას იყენებს. აღნიშნული რეზოლუცია ლობიზმის მახინჯი ფორმით გამოყენების ერთ-ერთი მძიმე მაგალითია და მას არანაირი სამართლებრივი საფუძველი არ ააქვს. დიდი მიხვედრა არ სჭირდება იმას, რომ რეზოლუციით სამართლიანი ევროპა ითხოვს უსამართლობას, რადგან მსჯავრდებული სააკაშვილისა და გვარამიას განთავისუფლების მოთხოვნა კანონის უზენაესობაზე მკვეთრი წითელი ხაზებია. ბანკი ჩართულია შურისძიებაში სქემით- ბიძინა ივანიშვილის მიმართ ვერ დაწესდა სანქციები?! დავაშანტაჟოთ! პოლიტიკური შანტაჟიდან გზა ფინანსურ დაშანტაჟებამდე საზოგადოების მიერ კარგად დანახული და გაშიფრულია. პროცესი დასრულდება და ბიძინა ივანიშვილის ყველა კანონიერი მოთხოვნა დაკმაყოფილდება. აი ომის დავალება კი შეუსრულებელ მისიად დარჩება!“- წერს მეგრელიშვილი.
