გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ივლისი 2024    »
1234567
891011121314
15161718192021
22232425262728
293031 

რომეო მიქაუტაძემ ხელი მოაწერა USAID - თან ურთიერთგაგების მემორანდუმს ენერგეტიკის სექტორში თანამშრომლობის შესახებ

29-07-2022

ეკონომიკისა და მდგრადი განვითარების მინისტრის მოადგილე რომეო მიქაუტაძემ აშშ - ის საერთაშორისო განვითარების სააგენტოს (USAID) მისიის დირექტორის მოვალეობის შემსრულებელ კლერ მესონთან ერთად ხელი მოაწერა ურთიერთგაგების მემორანდუმს, რომელიც ითვალისწინებს თანამშრომლობის გაღრმავებას საქართველოს ენერგეტიკული სექტორის განვითარების მიმართულებით.  მინისტრის მოადგილის რომეო მიქაუტაძის განცხადებით, მემორანდუმი განსაზღვრავს იმ ძირითად მიმართულებებს, რომლებიც პრიორიტეტული იქნება ამერიკულ მხარესთან ენერგეტიკის სფეროში თანამშრომლობის გაღრმავების მიმართულებით. მისი თქმით, მეტად გამახვილდება ყურადღება ქვეყნის ენერგეტიკული ბაზრის გამჭვირვალობის უზრუნველყოფისა და ადგილობრივი ენერგორესურსების ათვისების კუთხით. გარდა ამისა, გადაიდგმება უფრო ქმედითი ნაბიჯები უცხოურ ენერგომატარებლებზე დამოკიდებულების შემცირებისა და ენერგოუსაფრთხოების გასაძლიერებლად.  


ურთიერთგაგების მემორანდუმი მიზნად ისახავს მდგრად თანამშრომლობას საქართველოს ენერგეტიკული სექტორის გაძლიერების მიზნით. მემორანდუმი მოიცავს ოთხ სტრატეგიულ მიზანს. ესენია: საქართველოს ენერგეტიკული უსაფრთხოების გაძლიერება გრძელვადიანი პოლიტიკის შემუშავებაში; ინვესტიციების ხელშეწყობა  განახლებადი ენერგიების ათვისების მიმართულებით; საქართველოს ინსტიტუციური შესაძლებლობების ზრდა ენერგეტიკული ბაზრის მდგრადი მართვისთვის და ენერგეტიკის სექტორის მდგრადობის გაზრდა კიბერუსაფრთხოების გაძლიერების გზით.