გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

გონიოს ციხეში „რომაული ფესტივალი 2022“ გაიმართება

17-09-2022

აჭარის კულტურული მემკვიდრეობის დაცვის სააგენტოს ორგანიზებით, მიმდინარე წლის 18 სექტემბერს, გონიოს ციხეში ჩატარდება, ტრადიციული კოსტუმირებული სანახაობა- „რომაული ფესტივალი 2022“.


ციხის ტერიტორიაზე გაცოცხლებული იქნება I-III საუკუნეების რომაელი ჯარისკაცების ყოველდღიური ცხოვრება. ღონისძიებაზე მოსულ სტუმრებს საშუალება ექნებათ იხილონ თეატრალური სანახაობა - „ფარსმან ქველის სტუმრობა რომში“, ანტიკური ცეკვები და სპორტული შეჯიბრებები, გაცოცხლებული ქანდაკებები, რომაული ქორწილი, ცეცხლოვანი შოუ, გლადიატორთა ორთაბრძოლა და სხვა.


სტუმრებს შესაძლებლობა ექნებათ მონაწილეობა მიიღონ კერამიკისა და ხის მასტერკლასებში, რომაულ თამაშებში, დააგემოვნონ რომაული კერძები და უბრალოდ ერთი დღით გახდნენ იმ ეპოქის მონაწილეები. ღონისძიების მიზანია იმ უძველესი ტრადიციების გაცოცხლება, რაც გონიოს ციხეში საუკუნეების წინ ხდებოდა. ( 16:00 სთ -დან 22:00 სთ-მდე) ფესტივალზე დასწრება თავისუფალია.