დღეის მდგომარეობით კახეთში 158,5 ათას ტონამდე ყურძენია გადამუშავებული

24-09-2022

მიმდინარე წლის 24 სექტემბრის მდგომარეობით, კახეთის რეგიონში, ღვინის საწარმოებს ყურძენი 14 000-მდე მევენახემ ჩააბარა, მათი შემოსავალი 157 მილიონ ლარს აღწევს.

სულ რეგიონში 158,5 ათას ტონამდე ყურძენია გადამუშავებული. აქედან, 86 ათას ტონამდე რქაწითელი, 63 ათას ტონამდე საფერავი, 4,2 ათას ტონამდე კახური მწვანე და დანარჩენი სხვადასხვა ჯიშის ყურძენია.

რთველის საკოორდინაციო შტაბში ამ დროისთვის დარეგისტრირებულია 400-ზე მეტი ღვინის კომპანია და მარანი. ამ ეტაპამდე ყურძნის დაწურვის პროცესში 213 საწარმო იყო ჩართული. ყურძნის დღე-ღამური გადამუშავება 10 ათასი ტონის ფარგლებშია.

ყველაზე დიდი რაოდენობის ყურენია გადამუშვებულია ყვარლის მუნიციპალიტეტში - 43,2 ათასი ტონა; შემდეგია: გურჯაანი - 40 ათასი ტონა, თელავი - 30 ათასი ტონა, სიღნაღი - 19,6 ათასი ტონა, ლაგოდეხი - 10 ათასი ტონა, დედოფლისწყარო - 6 ათასი ტონა, ახმეტა - 5,9 ათასი ტონა და საგარეჯო 2,8 ათასი ტონა.

გასული წლების ანალოგიურად, რთველის ორგანიზებულად ჩატარებას, ჩასაბარებელი ყურძნის აღრიცხვიანობისა და მიკვლევადობის უზრუნველყოფის სამუშაოებს კოორდინაციას რთველის შტაბი უწევს.