სამართლიანად ჩატარდა თუ არა არჩევნები
„იალონის“ ბენეფიციარები ჯიღაურას ბაზას ესტუმრნენ
3-11-2022
სოფლის მეურნეობის სამეცნიერო-კვლევითი ცენტრის ჯიღაურას მრავალწლოვანი კულტურების საცდელ-სადემონსტრაციო ბაზას საგურამოს შეზღუდული შესაძლებლობების მქონე ბავშვთა და პირთა დღის ცენტრის „იალონი“ აღსაზრდელები ესტუმრნენ. ცენტრის ბენეფიციარებმა ჯიღაურას ბაზაზე გაშენებული ვენახისა და ხეხილის საკოლექციო ნაკვეთები დაათვალიერეს და საქართველოს მეღვინეობა-მევენახეობის ისტორიას გაეცნენ.
„ჩვენი მეგობრობა უკვე წლებს ითვლის და ვეღარც წარმოგვიდგენია შემოდგომა ჯიღაურაში ვიზიტის გარეშე. ყველა სტუმრობა სასიამოვნო და დასამახსოვრებელია ჩვენი ბენეფიციარებისთვის. მსგავსი ვიზიტების მიზანიამათი კულტურულ და შემეცნებით ღონისძიებებში ჩართვა, რაც მნიშვნელოვნად უწყობს ხელს საზოგადოებაში ინტეგრაციას“, - განაცხადა დღის ცენტრის „იალონის“ ბავშვთა დაცვის პროგრამის მენეჯერმა, სოფიო კუპატაძემ.
„იალონის“ აღსაზრდელებმა რთველში და ხეხილის კრეფაში მიიღეს მონაწილეობა. ვიზიტი განათლების განვითარების და დასაქმების ცენტრის ინიციატივით „სოციალური რეაბილიტაციის და ბავშვზე ზრუნვის სახელმწიფო პროგრამის“ ფარგლებში განხორციელდა.
