კასპში 31-წლის მშობიარე ქალი გარდაიცვალა

2-07-2018

გუშინ კასპის სამედიცინო ცენტრ ,,მედალფაში" მშობიარე ქალი გარდაიცვალა. დედა დაიღუპა, ხოლო ბავშვი გადარჩა. ექიმების განცხადებით ახალშობილი გოგონას სიცოცხლეს საფრთხე არ ემუქრება.

,,ეს პირველი შვილი იყო ამ ოჯახისთვის," - განუცხადა შიდა ქართლის საინფორმაციო ცენტრს სოფლის წარმომადგენელმა იოსებ მარღიშვილმა. პაციენტი საავადმყოფოში სოფელ მეტეხიდან შეიყვანეს.

,,მთელ სოფელი შეძრა ამ ტრაგედიამ. ოჯახი ექსპერტიზის დასკვნას ელოდება. სხვა ინფორმაცია მე არ მაქვს," - გვითხრა სოფლის წარმომადგენელმა.

,,მედალფაში" ამბობენ, რომ მათ მხოლოდ ზოგადი ინფორმაციის გაცემა შეუძლიათ. გარდაცვალების მიზეზებს ექსპერტიზა დაადგენს.

"შიდა ქართლი"