სამართლიანად ჩატარდა თუ არა არჩევნები
ახალციხის მუნიციპალიტეტის დასახლებებში ახალი გარე განათების სისტემები მოეწყო
16-11-2022
ახალციხის მუნიციპალიტეტის დასახლებებში გარე განათების სისტემების მოწყობა აქტიურად გრძელდება.
ამ დროისთვის ინფრასტრუქტურული პროექტები დასრულებულია ქალაქ ვალეში და მუნიციპალიტეტის 12 სოფელში. ესენია: წყორძა, გურკელი, წინუბანი, წნისი, ტატანისი, სვირი, ბოგა, ანი, ჭვინთა, ელიაწმინდა, ივლიტა და ჯულღა. სამუშაოები „სოფლის მხარდაჭერის პროგრამით“ და ადგილობრივი ბიუჯეტიდან დაფინანსდა.
გარდა ამისა, მიმდინარე წელს ახალი გარე განათების სისტემები მოეწყობა სოფლებში აწყურში, ტყემლანასა და მუგარეთშიც.
სამუშაოების უზრუნველსაყოფად მიმდინარეობს სატენდერო პროცედურები.
პროექტები ადგილობრივ მამაცხოვრებლებმა, ხმათა უმრავლესობით, დასახლების საერთო კრებებზე და საკონსულტაციო შეხვედრებზე შეარჩიეს.
გარე განათებების მოწყობა ახალციხის მუნიციპალიტეტის მერიის ერთ-ერთ პრიორიტეტს წარმოადგენს და ამ მიმართულებით ინფრასტრუქტურული სამუშაოები მომავალშიც გაგრძელდება.
