გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ბულგარეთის ეროვნულ ბიბლიოთეკაში ქართული წიგნის კუთხე გაიხსნა

24-11-2022

ქალაქ სოფიაში, ბულგარეთის ეროვნულ ბიბლიოთეკაში ქართული წიგნის კუთხე გაიხსნა.


ღონისძიებაზე სიტყვით გამოსულმა ბიბლიოთეკის დირექტორმა კრასიმირა ალეკსანდროვამ და საქართველოს ელჩმა თამარ ლილუაშვილმა აღნიშნეს კორნელი კეკელიძის სახელობის საქართველოს ხელნაწერთა ეროვნული ცენტრის წვლილი ამ საქმეში და მადლობა გადაუხადეს ცენტრს იმ წიგნებისთვის, რომელიც საჩუქრად გადაეცა ბიბლიოთეკას.


აღსანიშნავია, რომ კორნელი კეკელიძის სახელობის საქართველოს ხელნაწერთა ეროვნული ცენტრის დირექტორი ზაზა აბაშიძე შეხვდა კრასიმირა ალეკსანდროვას.


შეხვედრის შედეგად მიღწეული შეთანხმებით ბულგარეთის ეროვნული ბიბლიოთეკა უსასყიდლოდ გადასცემს ხელნაწერთა ეროვნულ ცენტრს ბიბლიოთეკის ფონდებში დაცული პეტრიწონის მონასტრის ტიპიკონის და ოთხი ოსმალური სიგელის დიგიტალურ ასლებს, რომელშიც არის ცნობები საქართველოზე.


გარდა ამისა, სამუშაო ვიზიტის ფარგლებში ხელნაწერთა ეროვნული ცენტრის დირექტორი ზაზა აბაშიძე შეხვდა ი.დუიჩევის სახელობის სლავურ-ბიზანტიური კვლევების ცენტრის დირექტორ ვასია ველინოვას. მხარეები შეთანხმდნენ სპეციალისტების ურთიერთგაცვლაზე, ბულგარეთში ქართველი დოქტორანტების სტაჟირებასა და ხელნაწერთა ეროვნულ ცენტრში ბულგარელი მკვლევრების მუშაობაზე.