სამართლიანად ჩატარდა თუ არა არჩევნები
ონის სოფლებში - საკაო, ლაგვანთა, მაჟიეთი, ხიდეშლების საავტომობილო გზის სარეაბილიტაციო სამუშაოების მე-3 ეტაპი მიმდინარეობს
5-12-2022
ონის მუნიციპალიტეტში საკაო, ლაგვანთა, მაჟიეთი, ხიდეშლების საავტომობილო გზის სარეაბილიტაციო სამუშაოების მე-3 ეტაპი, აქტიურ რეჟიმში, მიმდინარეობს.
რაჭა-ლეჩხუმ-ქვემო სვანეთის სახელმწიფო რწმუნებული - პაპუნა მარგველიძე მიმდინარე სამუშაოებს მოადგილესთან - ქრისტინე კობახიძესთან, რეგიონული პროექტებისა და კოორდინირების სამსახურის უფროსთან - ლევან ცხვედიანთან, ონის მუნიციპალიტეტის მერთან - სერგი ხიდეშელთან და სხვა ხელმძღვანელ პირებთან ერთად, ადგილზე, გაეცნო.
პროექტი გულისხმობს ასფალტო-ბეტონის საფარის მოწყობას. მიმდინარე სამუშაოებს კონტრაქტორი კომპანია შპს „დაგი+" ასრულებს, ხოლო სახელშეკრულებო თანხა 923 158 ლარს შეადგენს.
აღნიშნული სამუშაოები რეგიონებში განსახორციელებელი პროექტების ფონდის და ადგილობრივი ბიუჯეტის თანადაფინანსებით ხორციელდება.
პროექტით გათვალისწინებული სამუშაოების დასრულება 2023 წლის ივლისის თვეში იგეგმება.
