გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    თებერვალი 2024    »
 1234
567891011
12131415161718
19202122232425
26272829 

თუ ვინმეს ექნება სურვილი, სამშობლოს წინააღმდეგ რაიმე სახის დესტაბილიზაცია განახორციელოს, კანონის წინაშე სრული სიმკაცრით აგებს პასუხს - დავით მათიკაშვილი ნოდარ ყარალაშვილის განცხადებაზე

8-01-2023

"ნაციონალური მოძრაობის" აქტივისტი, რომელიც უკრაინაში იბრძვის, საქართველოში ტანკებით შემოსვლით იმუქრება. ნოდარ ყარალაშვილი მუქარის ვიდეოებს სოციალურ ქსელში ავრცელებს.


საპარლამენტო უმრავლესობა ამბობს, რომ მსგავსი განცხადებები კიდევ ერთი დადასტურებაა იმისა, რომ "ნაციონალური მოძრაობა" არ ღალატობს საკუთარ დღის წესრიგს და კვლავ ცდილობს, ქვეყნის შიგნით ვითარების დაძაბვას, რისთვისაც ყველა შესაძლებლობას იყენებს.


"იყო დრო, როდესაც დესტაბილიზაციის სურვილების გამხმოვანებელი სააკაშვილი იყო და საზოგადოებას კარგად ახსოვს არჩევნების პერიოდში, როგორ მოდიოდა ის ხან წლით და ხან მიწით. შემდეგ რომ ჩაუვარდათ ეს დესტაბილიზაციის მოწყობის გეგმა და სააკაშვილი დააპატიმრეს, ახლა ისე გარედან მიმართეს ნაცნობ ხერხს და ახლა ისევ გარედან ცდილობენ დესტაბილიზაციის რაღაცა კერების გაჩენას, ისმის იქიდან მუქარის განცხადებები საკუთარი სამშობლოს მიმართ.


რადგანაც ამ დესტაბილიზაციის სურვილი მუდმივად აქვს ამ რადიკალურ პოლიტიკურ დაჯგუფებას, მინდა ყველას შევახსენო, რაც ისედაც საქართველოს კონსტიტუციაში და სისხლის სამართლის კოდექსში, თუკი ვინმეს ექნება იმის სურვილი, რომ საკუთარი ქვეყნის, ხალხის ნების, სამშობლოს წინააღმდეგ რაიმე სახის დესტაბილიზაცია განახორციელოს, კანონის წინაშე სრული სიმკაცრით აგებს პასუხს," - განაცხადა დავით მათიკაშვილმა.