სამართლიანად ჩატარდა თუ არა არჩევნები
ლანჩხუთში რეაბილიტაცია/აბილიტაციის ცენტრი გაიხსნა
20-01-2023
ლანჩხუთის მუნიციპალიტეტში რეაბილიტაცია/აბილიტაციის ცენტრი გაიხსნა.
პროექტს ა(ა)იპ ,,ოდა ქეარი" ახორციელებს. მისი პარტნიორია „თელავის განათლების, განვითარებისა და დასაქმების ცენტრი".
პროექტის მიზანია, სოციალური სერვისების განვითარება ლანჩხუთის მუნიციპალიტეტში მცხოვრები შეზღუდული შესაძლებლობის მქონე პირებისთვის. პროექტს ევროკავშირი აფინანსებს. პროგრამა 30 ბენეფიციარს მოემსახურება.
პროგრამა ითვალისწინებს ბავშვთა ნევროლოგის, ქცევის თერაპევტის და სპეციალური მასწავლებლის ჩართვას რეაბილიტაციის პროცესში.
აღნიშნული პროექტი ლანჩხუთის მუნიციპალიტეტის მერიის მხარდაჭერით ხორციელდება.
"ჩვენთვის მნიშვნელოვანი და ერთ-ერთი პრიორიტეტია ჯანდაცვა. ვფიქრობ, აღნიშნული პროექტის განხორციელება ხელს შეუწყობს ბავშვთა ადრეულ რეაბილიტაციას და მათ განვითარებას, მათი საჭიროებებისა და აუცილებელი პრობლემების მოგვარებას. მინდა წარმატებები გისურვოთ, გვიგულეთ თქვენს გვერდით" - აღნიშნა ალექსანდრე სარიშვილმა.
