თამთა მეგრელიშვილი: მხოლოდ ქართველ ენჯეოშნიცას შეუძლია თქვას, ხელისუფლების პოლიტიკა აცდენილია ხალხის ნებას და მაგიდაზე ედოს მისი სათაყვანებელი NDI -ის კვლევა, სადაც წერია რომ ხელისუფლებას უფრო მეტი რეიტინგი აქვს, ვიდრე ყველა სხვა პარტიას ერთად

10-02-2023

„ხალხის ძალის“ წევრი თამთა მეგრელიშვილი არასამთავრობო ორგანიზაცია „დემოკრატიის ინდექსი - საქართველოს“ ხელმძღვანელის, ეკატერინე ციმაკურიძის განცხადებას ეხმიანება და აღნიშნავს, რომ მხოლოდ ქართველ ენჯეოშნიცას შეუძლია თქვას, რომ ხელისუფლების პოლიტიკა აცდენილია ხალხის ნებას და ამ დროს მაგიდაზე ედოს მისი სათაყვანებელი NDI -ის კვლევა.

როგორც მეგრელიშვილი წერს, მას ასევე არ ახსოვს საკუთარი კვლევა, სადაც ხალხი ამბობს, რომ NGO-ებს ხალხის 1%-ზე ნაკლები ენდობა.

„მხოლოდ ქართველ ენჯეოშნიცას შეუძლია თქვას, რომ ხელისუფლების პოლიტიკა აცდენილია ხალხის ნებას და ამ დროს მაგიდაზე ედოს მისი სათაყვანებელი NDI -ის კვლევა, სადაც წერია რომ ხელისუფლებას უფრო მეტი რეიტინგი აქვს, ვიდრე ყველა სხვა პარტიას ერთდროულად აღებულს. ასევე არ ახსოვს საკუთარი კვლევა, სადაც ხალხი ამბობს, რომ NGO-ებს ხალხის 1%-ზე ნაკლები ენდობა“- წერს მეგრელიშვილი Facebook-ზე.