გია გაბრიჭიძე: ევროგაერთიანება რომელიც სახელმწიფოთა განვითარების საფუძველი უნდა ყოფილიყო, დღეს სამწუხაროდ ისეთ წარმონაქმნად იქცა, სადაც დაკარგულია პრინციპები, რომლებითაც ის ნებისმიერი ქვეყნისთვის მიმზიდველი იყო

22-02-2023

ექსპერტი გია გაბრიჭიძე ფილოსოფოსი ზაზა შათირიშვილი წერილს ეხმიანება და აღნიშნავს, რომ „თუ კარგად დავაკვირდებით ეს პრობლემები პირდაპირ ამერიკული ოლიგარქიის მიერ არის თავსმოხვეული, რომელთა მერკანტელური სწრაფვისთვის ევროპა თავისი ნამდვილი ტრადიციებითა და ფასეულობებით დიდ დაბრკოლებას წარმოადგენდა და სწორედ ამ ყველაფრის განადგურება არის მათი მთავარი მიზანი.“

„1993 წელს შექმნილი ევროპის სახელმწიფოთა პოლიტიკურ ეკონომიკური გაერთიანება (მანამდე ევროპული თანამეგობრობა), რომელიც იდეაში სახელმწიფოთა განვითარების, უსაფრთხოებისა და დემოკრატიის საფუძველი უნდა ყოფილიყო, დღეს სამწუხაროდ „ბანანის სახელმწიფოს“ მსგავს წარმონაქმნად იქცა, სადაც ფაქტობრივად დაკარგულია ის პრინციპები, რომლებითაც ეს გაერთიანება ნებისმიერი ქვეყნისთვის მიმზიდველი იყო.

ფილოსოფოსმა ზაზა შათირიშვილმა საკმაოდ საინტერესო ანალიზი გამოაქვეყნა, სადაც ღიად გაუსვა ხაზი იმ პრობლემებს, რამაც ევროკავშირი დააცილა იმ ფასეულობებს, რაზეც ევროპა საუკუნეების განმავლობაში იდგა. “ევროკავშირი დღეს უმძიმეს მდგომარეობაშია: სუვერენიტეტისგან დაცლილი ევროპარლამენტი და ევროკომისია, კორუფცია ევროსტრუქტურებში, ტოტალურ ცენზურას დაქვემდებარებული ევროპული მედია, ქრისტიანული ფასეულობების დევალვაცია, ტოტალური ლგბტ პროპაგანდა, მასობრივი მიგრაცია და ევროპული ქვეყნების ეროვნული იდენტობის მოშლა, ეკონომიკური სტაგნაცია - ეს იმ პრობლემების არასრული ჩამონათვალია, რომლებიც ევროკავშირის მომავალს ძალიან დიდი კითხვის ნიშნის ქვეშ აყენებს“. თუ კარგად დავაკვირდებით ეს პრობლემები პირდაპირ ამერიკული ოლიგარქიის მიერ არის თავსმოხვეული, რომელთა მერკანტელური სწრაფვისთვის ევროპა თავისი ნამდვილი ტრადიციებითა და ფასეულობებით დიდ დაბრკოლებას წარმოადგენდა და სწორედ ამ ყველაფრის განადგურება არის მათი მთავარი მიზანი“- წერს გია გაბრიჭიძე Facebook-ზე.