გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ონის მერიაში ONI HUB IN- ონის ჰაბის პროექტის პრეზენტაცია გაიმართა

4-04-2023

ონის მუნიციპალიტეტის მერმა - სერგი ხიდეშელმა, მოადგილეებთან და რაჭა-ლეჩხუმ ქვემო სვანეთის მხარის რწმუნებულის პირველ მოადგილესთან - ქრისტინა კობახიძესთან ერთად, ფიარ თრიიზ ფონდის წარმომადგენლებს უმასპინძლა. სამუშაო შეხვედრაზე, გერმანიის საერთაშორისო თანამშრომლობის (GIZ) მიერ გამოცხადებული საგრანტო კონკურსში მონაწილეობის მიზნით, ფიარ თრიიზ ფონდის წარმომადგენლებმა ONI HUB - IN (ონის ჰაბის) პროექტის პრეზენტაცია წარადგინეს.
შეხვედრაზე მხარეებმა დეტალურად განიხილეს ONI HUB - IN (ონის ჰაბის) პროექტის მიზანი რეგიონში, რომელიც წარმოადგენს:
განათლების ხელშეწყობას;
ტურიზმის განვითარებას;
დასაქმებას და წარმოება/რეალიზაციის ხელშეწყობას.
ფიარ თრიიზ ფონდის წარმომადგენლების განცხადებით, ამ მიზნების მისაღწევად, პროექტი ითვალისწინებს ონში, სოფელ სორში, მუდმივი საგანმანათლებლო საწარმოო და ტურისტული ბაზის შექმნას.
ONI HUB IN- ონის ჰაბის პროექტის განხილვის მიზნით, ონის მუნიციპალიტეტის მერიის საპროექტო იდეების, პროექტის შემუშავებისა და განხორციელების შემდგომ მართვის სამუშაო ჯგუფი, დეტალურად შეისწავლის საპროექტო წინადადებას და შენიშვნების არსებობის შემთხვევაში მოხდება დამატებითი ინფორმაციის დაზუსტება.
შეხვედრას ესწრებოდნენ რაჭა-ლეჩხუმ ქვემო სვანეთის მხარეში შემავალი მუნიციპალიტეტების ხელმძღვანელი პირები, ტურიზმის სფეროს წარმომადგენლები და საგანმანათლებლო რესურსცენტრის ხელმძღვანელები.