სამართლიანად ჩატარდა თუ არა არჩევნები
გია აბაშიძე: საქართველოში ჩატარებულ IRI-ს „fake“ პოლიტიკურ კვლევას ერთი დადებითი მხარეც აქვს - შეგულიანებული მეხუთე კოლონა არ ერიდება საკუთარი დესტრუქციულობის გამომზეურებას
27-04-2023
რუსი ბიზნესმენი, "ნაცების" ერთ-ერთი მოლარე კობა ნაყოფია ვადამდელ არჩევნებს აანონსებს თუკი საქართველომ ვერ მიიღო ევროკავშირის კანდიდატის სტატუსი. გამოდის, რომ რევანშისტული ძალები მორიგი არეულობისთვის ემზადებიან, - ამის შესახებ ანალიტიკოსი, გია აბაშიძე, სოციალურ ქსელში წერს.
აბაშიძე, ნაყოფიას იმ განცხადებას აფასებს, რომლის თანახმად, „ნაციონალური მოძრაობის“ წარმომადგენელი დარწმუნებულია, რომ ვადამდელი არჩევნები დაინიშნება იმ შემთხვევაში, თუ ქვეყანა კანდიდატის სტატუსს ვერ მიიღებს.
ანალიტიკოსის განმარტებით, IRI-ის კვლევის შედეგებმა რადიკალური ოპოზიცია შეაგულიანა და დესტრუქციული გეგმების განხილვა საჯაროდ დაიწყო, რაზეც კობა ნაყოფიას განცხადებაც მიუთითებს.
„საქართველოში ჩატარებულ IRI-ს fake პოლიტიკურ კვლევას ერთი დადებითი მხარეც აქვს - შეგულიანებული მეხუთე კოლონა არ ერიდება საკუთარი დესტრუქციულობის გამომზეურებას. რუსი ბიზნესმენი, "ნაცების" ერთ-ერთი მოლარე კობა ნაყოფია ვადამდელ არჩევნებს აანონსებს თუკი საქართველომ ვერ მიიღო ევროკავშირის კანდიდატის სტატუსი.
გამოდის, რომ რევანშისტული ძალები მორიგი არეულობისთვის ემზადებიან. თუმცა, საკუთარ ხალხთან დაპირისპირებულმა ნაცსექტანტებმა ღრმად უნდა შეიმეცნონ - საქართველოს მშვიდობიან განვითარებას, ევროინტეგრაციის შეუქცევად გზაზე სვლას ვერანაირად შეაფერხებენ ვერც ფულით და ვერც უზნეო დასავლელი აქტორების მავნებლური მხარდაჭერით“ - წერს გია აბაშიძე Facebook-ზე.
