თსუ-ს რექტორმა ჯაბა სამუშიამ სტუდენტებს თვითმმართველობის არჩევნების დემოკრატიულად ჩატარებისკენ მოუწოდა

2-06-2023

7 ივნისს თბილისის სახელმწიფო უნივერსიტეტში მე-8 მოწვევის სტუდენტური თვითმმართველობის არჩევნები გაიმართება. ინფორმაციას თბილისის სახელმწიფო უნივერსიტეტი ავრცელებს.

მათივე ცნობით, არჩევნები უნივერსიტეტის 6 ფაკულტეტზე, ასევე, დამხმარე საგანმანათლებლო სტრუქტურული ერთეულის-ტურიზმის სკოლაში ჩატარდება. უნივერსიტეტის აქტიური სტატუსის მქონე სტუდენტები თვითმმართველობის 120 დელეგატს აირჩევენ.

შესაბამისად, უნივერსიტეტის ადმინისტრაცია მოუწოდებს სტუდენტებს, აქტიურად მიიღონ მონაწილეობა არჩევნებში.

უნივერსიტეტის ადმინისტრაცია გამორიცხავს ყოველგვარ ჩარევას საარჩევნო პროცესებში და, ასევე, მოუწოდებს სხვადასხვა სამთავრობო თუ არასამთავრობო ორგანიზაციების წარმომადგენლებს დააკვირდნენ პროცესებს და ხელი შეუწყონ არჩევნების მშვიდ გარემოში, რეგულაციების სრული დაცვით ჩატარებას.

არჩევნების დღეს 08:00 საათზე უნივერსიტეტში 12 საარჩევნო უბანი გაიხსნება. ხმის მიცემის პროცედურა კი, 09:00 საათიდან დაიწყება და 18:00 საათამდე გაგრძელდება.

სტუდენტებმა, როგორც ამომრჩევლებმა, თან უნდა იქონიონ საქართველოს მოქალაქის პირადობის მოწმობა ან საქართველოს მოქალაქის პასპორტი.